Princess in the Palace ibalik na sa tinagalog ugma!

Hello mga SKB! Usa na pud ka Domingo ang atong saw-an karun mao nga panukad na kay ania na ang mga nagbagang BisChika nga giandam sa inyong Yur’s truly. Hugyaw! Awwww!  Sigurado gyud ko nga daghan ang wala nakauyon sa pagbinisaya sa The Ryzza Mae Show presents — Princess in the Palace sa tinuod lang nagpaka silent mode lang ang akong beauty ug nagbasa sa social media sa ilang mga comments and suggestions mao nga ang gibuhat sa GMA7 Cebu kay gikuha ang tanang mga comments sa mga fans sa maong programa ug gipadala sa office sa TAPE Inc.  ug na realize siguro sa TAPE Inc. nga sakto ang mga comments sa mga nagsunod sa maong programa. Mao nga sugod ugma, Lunes kung wala ko nasayop sa akong radar balik na kini sa pinolungang Tagalog! Meaning back to normal na! Siguro dili lang ang pagbinisaya sa maong programa ang paagi aron mas mapaduol sila sa publiko, naa pa’y daghang mga butang nga pwede buhaton. Usa sa mga suggestions nako, (ako ra ni ha!), mao maghimo kini og promo nga pwede ang winner moadto sa set sa Princess in the Palace, o di ba kaha magbutang sila og mga artista nga ang karakter pwede magbinisaya para dunay regional flavor. Sa tinuod lang, ang pagbinisaya kay dako’g natabang sa mga “dubber” nga bisaya nga didto na nagpuyo sa Manila. Naa man gani ko’y kaila nga iyang tingog sa Presidente o kay Eula Valdez pero taga Davao siya. Kaila pud ko sa script translator sa Cebu. Pagkahibalo nako nga kaila ko akong giingnan nga dapat mas “street binisaya” ang gamiton, kanang masabtan gyud kay usahay lawom ra kaayo nga ang uban wala na kahibalo unsay meaning. Pero nibilib ko sa Tape Inc. tungod kay wala sila nahadlok nga musugal para i-dub sa Cebuano ang Princess in the Palace. Gi explore nila ang mga posibilidad nga basin pa diay nga mo click kini sa atong mga Bisdak. Tungod kay wala man…back to normal na dayon ang tanan. Infairness, dali sila naka move on! Kudos gihapon sa Tape Inc., because there’s no harm in trying!

Murag Kinabuhi! Usahay dili tanan malampuson ang imong buhaton pero ang importante imong gisuwayan. Nahinumdum uroy ko sa dihang nitikang kog Manila unya gisuwayan nako nga musakay sa bus gikan sa Pasig, unya sakay og MRT para moadto sa GMA adto ko ug usa ka department ni audition para mahimong voice sa usa ka character nga buhaton sa usa ka show pero  aw aw de karabao nakapasar ang akong beauty sa voice audition. Pero wala ko nawagtangan og paglaum, niuli ko sa akong gipuy-an luyo sa OWWA unya sakay na pud kog bus. Makatawa lang ko kay mugawas ang akong pagkabisaya, unya maayo na lang naay ni chika nako in bisaya kung asa ko dapat muhunong ug musakay para mas duol nako sa akong adtoan. Niuli kog Cebu unya back to normal ang life. Karun kung pangutan-on ko if ganahan pa ko mobalik og Manila, akong tubag kay ” Yes! Pero taas taason na nako ang akong damgo. Pwede mahimo kung parte sa usa ka programa? Hahahhaha! Gusto artista agad agad? Ingon ko pwede ra gud buhay extra! Hahahahahhahahaha!  Mao to siya!

BisChika Greetings! Congratulations to the newly-opened Surplus ParkMall nga andam na mo serve kaninyo. Salamat Gilbert Manego, Ms. Evelyn Lim, Eric Lim ug Dr. Pek Eng Lim  sa inyong imbitasyon. Ang mugna sa inyong Mother Butanding kay May I cut the ribbon.

Belated Happy Birthday to my inaanak nga beautiful like her fairy gay mother, the only daughter of my partner Ching si Jarryliana Belle Pelayo Dacua. I know partner nga medyo layo ka karun because of work but your love kang Belle will always be there. Go lang gyud partner! See you soon..mwah!

Happy Birthday in advance to Gabriel Roque Deldig Calo, from Daddy Yuri! Wishing you all the good things in life and be a good boy. Okey?