Sharon mihimakak

CEBU, Philippines – Gikatahong duna’y umaabot nga movie project si Sharon Cuneta ug iyaha gyud kining gipangandaman. Hugtanong gihimakak ni Sharon ang taho nga matud pa magtuki sa istorya sa kinabuhi ni Janet Napoles ang umaabot niya nga pelikula.  “Why is there a rumor going around that my comeback movie will be based on the Janet Lim Napoles story, and with KC playing the role of her daughter?  No one has spoken to me about this, and so it is totally untrue. I already have a comeback project waiting, and with a company that has my full trust and respect,” suma pa ni Sharon.

Greta ug Marjorie nag-away?

Giingong nag-away ang magsuon nga sila si  Gretchen ug  Marjorie Barretto ug gipaabot ang reaksyon sa duha kalabot sa maong taho. Magkaalayon kaniadto sila si Gretchen ug Marjorie sa pakig-away ngadto sa ilang igsuon nga si Claudine Barretto.

Nauyonan sa viewers

Mapasalamaton sila si  Alex Gonzaga ug Matteo Guidicelli sa positibong resulta sa ilang tandem sa Maalaala Mo Kaya niadtong Sabado sa gabii. “Masaya kasama si Matteo kasi kaibigan ko na siya noon pa. So kami, parang magkaibigan na nagtatrabaho,” suma pa ni Alex.

Special guests ni Jen

Gipahibalo na ni  Jennylyn Mercado ang mga pangalan sa iyang special guests sa umaabot niya nga   Valentine concert nga nag-ulohan og Oo Ako Na, Ako Na Mag-isa, Samahan ‘Nyo Naman Ako karong February 14 sa  SM Skydome. Kini naglanggkob nila ni  Derek Ramsay, Mark Herras ug  Dennis Trillo.

Bantay sa anak ang atensyon

Gipadayag ni  Melissa Ricks nga siya ang mangunay sa pagbantay sa iyang anak busa dili pa siya andam nga modawat og acting projects. Kahinumduman nga nanganak si Melissa niadtong January 12.

Mopahuway sa politika

Nagplano si Senator  Lito Lapid  nga mopahuway na sa politika karong 2016 ug ganahan siya mo-relax sa iyang farm. Apan bukas ang senador nga mausab ang dagan sa iyang huna-huna ilabi na karon nga gihangyo siya sa iyang mga higala nga padaganon pagka-mayor sa Angeles City, Pampanga!

Gap gipasidunggan

Gipasidunggan si Gab Valenciano sa UCLA Hammer Museum isip  "cutting edge fresh film maker" sa Flex Screening Series niadtong Biyernes. Siya maoy labing una nga Filipino nga nahimong parte sa maong kalihukan nga gisalmotan pud sa ubang film makers gikan sa  U.K., New York,ug  San Francisco.

Kinasingkasing nga mensahe

Gusto ni Heart Evangelista nga wala siya’y kodigo atol sa “wedding vow” nila ni Sen. Chiz Escudero aron kinasingkasing gyud ang mga pulong nga iyang malitok sa espesyal nila nga adlaw karong February 15.

Planohon  og sayo

Kung sila si Luis Manzano ug Angel Locsin ,gusto nila nga mag-una ang pagplano sa mga kinahanglanon sa kasal sa dili pa sila ma-engage. Matud pa sa duha nga espesyal ang maong okasyon busa kinahanglan nga sayo ang pagplano niini aron tulin na ang ilang huna-huna sa higayon nga makahukom na sila nga magpakasal.

Arnel gikapoy sa serye

Tsika pa ni Arnel Ignacio dinhi sa Banat News Hugyaw nga wala pa siya’y plano nga modawat og balik og mga acting projects gumikan kay dili na siya makaagwanta og mga binuntagay nga taping. Kontento na si Arnel sa iyang bag-o nga  public service program sa TV5 nga Solved Na Solved. (Richard giplanohan ni MJ

Ganahan si  MJ Lastimosa nga si Richard Gutierrez maoy iyang leading man kung mahatagan siya puhon og acting project. Una na nga gipadayag ni MJ nga intresado siya mosulod sa showbiz. Suma pa ni MJ nga taud-taud na gyud nga gipangandoy nga mahimong artista.

Pahinungod sa Fallen 44

Ipahinungod ni Neil Perez sa Fallen 44 sa  PNP-SAF ang pagsalmot niya sa  Mister International nga himoon sa  South Korea karong  February 12. Kahinumduman nga makapila na nauswag ang maong kompetisyon.

Ang pagbalik ni Jerry

Magsugod na karong gabii ang Asian series  nga “Unforgettable Love” nga gibidahan ni Jessy Yan.  Ang m aong aktor nisikat sa Pilipinas human gisalida kaniadto sa ABS-CBN ang Taiwanese series nga Meteor Garden kung diin midala siya sa papel nga Dao Ming Si . 

Toni ug Direk Paul engaged na!

Opisyal na nga engaged sila si Toni Gonzaga ug Direk Paul Soriano ug pormal nila kini nga gipahibalo sa programang The Buzz kagahapon.

"It's been what, 7 and a half years, right? You know, she's been such a great part of my life, the best blessing I've ever received...we're engaged," suma pa ni Direk Paul.

Nasayran nga taud-taud nga nag-atang sa maong anunsyo ang  ilang fans ilabi na nga dugay na kaayo ang ilang relasyon.

Gibutyag ni Paul nga nahitabo ang proposal niadtong  January 21, usa ka adlaw sa dili pa ang birthday sa aktres.  Iyaha kining gibuhat atubangan sa pamilya ni Toni.

"I was in tears, it was quite an emotional moment," suma pa ni Paul.

Suma pa niya nga nananghid gyud siya daan sa mga ginikanan ni Toni nga sila si  Pinty ug  Bonoy Gonzaga.

Samtang si Toni sa iyang bahin, dako ang iyang kalipay nga naabot sa iyang kinabuhi si Direk Paul nga gihulagway niya nga tarong nga lalaki. Wala pa hinuon gidetalye sa duha ang tataw nga petsa sa ilang kasal.

Gihimakak usab  ni  Toni ang tsismis nga matud pa nagsabak siya ingon man usab ang tsika nga matud pa gikaaway niya ang iyang mga ginikanan.

Kahinumduman nga naukay sa miaging mga semana ang katawhan human ni-greet si Sany Andolong sa birthday ni Toni ug nigamit kini sa termino nga  “loving and loyal fiancée” ni Direk Paul busa nagtimailhan kini nga engaged na gyud ang duha.

Lilia Cuntapay gikulata

Nakugang pag-ayo ang beteranang aktres  nga si Lilia Cuntapay human siya gikulata sa usa ka  tawo sa miaging adlaw.

Suma pa sa report nga giimbitar si Lilia isip usa sa mga bisita sa anibersaryo sa General Paulino Santos Memorial Institute (GPSMI) Poblacion,  sa Tupi, South Cotabato.

Samtang naglingkod ang aktres kilid sa entablado,  kalit lang niduol kaniya ang 29 anyos nga si Aljay Sacramento ug gisumbag ang iyang nawong nga wala’y tataw nga rason.

Nalandig sa tambalanan si Lilia gumikan sa maong insidente ug kalit lang kini nga nalipong gumikan sa kusog nga sumbag nga iyang nahiaguman.

Dali nga nangayo og pasaylo ang  mga ginikanan sa tawong nikulata  sa aktres.

Nailhan si  Lilia sa kadaghanan isip  "Queen of Philippine horror movies" gumikan kay kanunay siya nga modala isip ungo sa nangagi niya nga mga pelikula.

Winners  sa Sinulog Short Film Festival and Photo Contest

Pormal na nga gipahibalo ang mga mananaug sa  Sinulog 2015 Short Film Festival and Photo Contest niadtong Sabado sa gabii sa  SM Cinema 1.

Nakalangkat sa unang puwesto sa nagkadaiyang kategoriya sa photo contest naglangkob nila ni Victor Kintanar (contingent category), Christopher Colinares ( fluvial and solemn procession category), Renier Figuracion  (float/puppeters and higante category), Eliseo Borromeo Jr.  (Sidelights/Route Decoration/On Site Decoration Category), Dr. Henry C. Chua (Sinulog Festival Queen category). Samtang ang napili nga Top 3 naglangkob nila ni Catherine Angeles , Jover Alforque ug Oligario Cortes .

Sa  Video Documentary Category, ang mga mananaug mao sila si  January Yap sa Sangay (Best Story) ug lain niya nga hinimo nga ,Dios Dios (Best Musical Scoring), ug Jeffrey Maraviles  sa “The Link” (Best Narration),

Samtang ang Top 3 sa Best Video Documentary Award, naglangkob sa  “Dare to Live” , “Sangpit” ug “Dios, Dios” .

Nasulod usab sa  Top 3 music videos mao ang  “Combo Lata” , “Batang Balaan” ug  “Ayaw Ko Buhii” .

Sa  Short Film Category,  ang  “Operation Prutas” maoy napili nga  Best Picture, Best Editing ug  Best Direction.

Ang ubang  mananaug sa  Short Film Category mao ang  Palad (Best Poster), Kwentas ( Best in Packaging),  Kab-ot (Best in Sound Engineering and Musical Scoring, Best in Cinematography)  , Pahiyom Alang Kang Evelyn” (Best Story) , Salamat ( Christian Lat/ Best Actor), Pagpauli  (Lucia Juezan/ Best Actress), Pagsalig (Duwic Medalla/ Best Supporting actor),  Operation Prutas ( Charisse Mari Fonacer/ Best Supporting actress), Sampaguita (John Roa/ Best Child Performer).

Ang Top 3 sa  short film category , mao ang Operation Prutas ni  Arah Chawdurry  , Kab-ot ni  Davinci Maru  ug Pahiyom Alang Kang Evellyn ni Chloe Veloso.