^

Banat Palaro

CRMC Mustangs nagsud-ong sa mabulokon nilang CESAFI debut

Emmanuel B. Villaruel - Banat

CEBU, Philippines —  Nanamilit naman tuod sila sa 23rd Cebu Schools Athletic Foundation, Inc. (CESAFI) basketball season apan ang Cebu Roosevelt Memorial Colleges (CRMC) Mustangs nagbalik lantaw uban ang tumang garbo sa ilang kasingkasing tungod sa mabungahon nilang debut sa primerong inter-school sa Sugbo.

Ubos sa paggiya ni coach Paul Alelu Flores ug team manager Marc Malazarte, ang Mustangs maoy ikaduhang labing maayo sa upat ka mga bag-ong teams sa liga. Ilang gipaykaka ang Felipe R. Verallo Foundation College (FRVFC) Blue Dragons ug ang University of the Philippines (UP)-Cebu Fighting Maroons apan napilde sila si Benedicto College Cheetahs sa sikit kaayong nilang sangka. Ang Mustangs mihuman sa ilang kampanya bitbit ang 4-6 win-loss rekord. Ila sab nga gipaluhod ang Cebu Institute of Technology-University (CIT-U) Wildcats apan miisip sa 20 puntos nilang demolisyon sa University of San Carlos (USC) Warriors nga maoy labing dako nilang kalamposan.

"First of all, we are grateful to the CESAFI Board especially to commissioner Felix Tiukinhoy for allowing our school to join this prestigious collegiate league," matud pa ni Flores. "We also would like to thank to our school president Victor Lepiten, Kap Jingle Lepiten for giving their all out support to the team, and of course to our sports director/team manager Marc Malazarte for taking good care of us."

"But in all honesty, nabitin ko sa among campaign especially that we have lost some because of breaks of the game," dugang pa ni Flores, nga kaduha nakampiyon uban sa Far Eastern University (FEU) Tamaraws atol sa mabulokon niyang panahon sa UAAP.

Ang gipasabot ni Flores mao ang pipila ka mapait nga kapakyasan nga ilang natilawan sa mga duwa diin sila dumadaog, apil na ang batok sa University of Southern Philippines Foundation (USPF) Panthers diin sila nahagba human milabaw og 11 puntos sa halftime.

Batok sa Cheetahs, ang Mustangs abante og tres puntos sa pinal nga 48 sefundos apan nasugamak sa katapusan samtang sa laing makabuak sa dughan nga kaparotan, kontrolado nila ang dagan sa duwa batok sa Southwestern University (SWU)-Phinma sa nag-unang duha ka kuwarter apan misukarap sila taliwala sa mainit nga resbak sa Cobras sa second half.

"But then again, we're so much thankful for this another journey and experience especially that we finished the league nga wala ra tawon na-injured sa among players," dason pa ni Flores.

Sama ni Flores, si Malazarte malipayon ug mapasigarbuhon sab sa gipakitang katakos sa ilang mga batos ingon man sa maayong dagan sa labing una nilang salida sa liga bisan og napakyas sila sa ilang tinguha nga makasud sa Final Four. "It was a reality check for us and an experience we will learn a lot from since daghan pa gyud diay mi og kulang when it comes to this type of a league," paambit pa ni Malazarte. "As for my overall assessment, our maiden CESAFI season was a success. I consider it a success since we were able to finish the tournament, won games, was able to make memories and represent the school they best way we possibly could. Despite the highs and lows, we stood together," panapos pa ni Malazarte.

vuukle comment

CESAFI

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with