JMD, Cakes and Memories gisugat daog sa Javier Ceramics Cup 2023
CEBU, Philippines — Miugkat og 21 puntos si Clark Jameskeo ug may tagtulo ka rebounds ug assists aron mangulo sa JMD Automotive nga midaog batok sa Goutsource Solutions International (GSI), 64-55 sa una nilang duwa sa Javier Ceramics Cup 2023 niadtong Domingo diha sa Ateneo de Cebu sa Mango Avenue, Cebu City.
Gawas nga iyang giagak sa kadaogan ang team ni Gerald Dilao, si Jameskeo mao sa ang napiling best player of the game.
Si Victor Dungog miamot og 12 puntos, samtang sila si Jerico Rosales ug Lucky Mendoza nagtampohay'g 10 puntos sa nagmadaugon nga JMD Automotive.
Ang GSI ni Ivan Llesol gipangulohan sab ni Lexis Paguntang sa iyang 14 puntos, gisundan ni Geory Apas nga adunay 13 puntos ug Raf Garing sa iyang 10 puntos.
Ang Cakes and Memories miposte sab sa ilang unang daog pinaagi sa pagpilde sa Zynergia, 76-70 ubos sa pagpangulo sa best player niining si Charlee Lumasag nga misansan og 17 puntos, unom ka rebounds ug upat ka assists.
Laing nakatampo'g dako sa team ni Allan Paris Caballes mao si Rico Rosaroso nga mikamada'g 16 puntos.
Anugon lang kaayo ang 28 puntos nga gipabuhagay ni Dan Cardenas kay napukling ang Zynergia ni Alvin Taneo.
Si Brixter Villarias miamot og 20 puntos, samtang si James Tolentino mitampo og 16 puntos sa pilderong koponan.
PUNTOS MATAG USA
Unang duwa
JMD (64) — Jameskeo 21, Dungog 12, Rosales 10, Mendoza 10, Villaganas 6, Pepito 4, Surita 4, Sugcay 2, Lagunilla 2, Escarda 2.
GSI (55) — Paguntang 14, Apas 13, Garing 10, Teopis 8, Cadiz 4, K.Sillar 3, Geronca 3, Mateo 2, Sillar 2, Delos Reyes 2.
Ikaduhang duwa
Cakes and Memories (76) —Lumasag 17, Rosaroso 16, Agad 8, Sasiya 7, Daan 4, Samande 4, Caricari 2, Flores 2, Bauntad 2, Binondo 2, Ygot 2, Villacorta 2.
Zynergia (70) — Cardenas 28, Villarias 20, Tolentino 16, Geonzon 6, Cempron 4, Panares 2
- Latest
