LeBron, Giannis maoy team captains sa NBA All-Star

CEBU, Philippines — Sila si LeBron James sa Los Angeles Lakers ug Giannis Antetokounmpo sa Milwaukee Bucks maoy mokupot sa papel isip mga team captains sa duha ka puwersa nga magbangga sa giatngan nga NBA All-Star Game sunod bulan didto sa Salt Lake City, Utah.

Si James magsilbeng kapitan sa ikaunom nga sunod-sunod nga higayon, samtang si Antetokounmpo mobarog nga lider sa iyang koponan sa ikatulong higayon sa iyang karera.

Makauban ni James isip starters sa Western Conference sila si Zion Williamson sa New Orleans Pelicans, Nikola Jokic sa Denver Nuggets, Stephen Curry sa  Golden State Warriors, ug Luka Doncic sa Dallas Mavericks.

Makatumpang ni  Antetokounmpo isip First 5 sa East sila si Kevin Durant ug Kyrie Irving sa Brooklyn Nets, Jayson Tatum sa Boston Celtics, ug Mitchell Donovan sa Cleveland Cavaliers.

Ang mga bitoon nga wala maapil isip starters naglangkob nilang Joel Embiid ug James Harden sa Philadalphia 76ers, Ja Morant sa Memphis Grizzlies, Damian Lillard sa Portland Trail Blazers, ug Anthony Davis sa Lakers.

Makaduwa hinoon gihapon sila sa All-Star kay segurado mang kuhaon silang mga reserve players.