_banat
^

Banat Palaro

Kasaysayan gihapon sa Cebuano Olympians

Emmanuel B. Villaruel - Banat
Kasaysayan gihapon sa Cebuano Olympians

CEBU, Philippines — Pakyas sila pagpugnit og medalya nga ilang gihandum.

Bisan pa man niini, makasaysayanon gihapon ang kampanya nilang first-time Olympians Margielyn Arda Didal, Elreen Ann Ando ug Kiyomi Watanabe alang sa Team Philippines sa 2020 Tokyo Olympics.

Kini gumikan kay sa labing unang higayon sa Cebu sports, tulo sila ka Sugbuanong atleta nga midala sa bandila ug mirepresentar sa Pilipinas sa labing prestihiyoso nga kompetisyon sa kalibutan nga mahitabo kausa lamang sud sa upat ka tuig. Si Didal, lumad gikan sa Barangay Lahug, dakbayan sa Sugbu. mitapos ikapito sa women's street skateboarding finals.

Dako na kini niyang garbo ilabi na kay mas taas pa ang iyang puwesto ni World No.3 Aori Nishimura sa Japan ug ingon man sa nangatagak nga skaters nga sila si Pamela Rosa, ang 2019 World Skate champion, ug 2013 X Games champion Leticia Bufoni pulos gikan sa Brazil.

Labaw sa tanan, ang 22-anyos nga si Didal mura sab og naka-medalya gumikan kay iya mang na-angkon ng pagdayeg ug nadaog ang kasingkasing dili lamang sa iyang mga kababayayan apas hasta sab sa liboan ka fans tibuok kalibutan gumikan sa pagpakita niya sa tinuoray nga mensahe sa pulong nga sportsmanship.

Sa tibuok nga bahin sa kompetisyon, si Didal nagpunay og katawa bisan og napakyas siya sa iyang mga tricks ug nagtakiang pa gani usa ka higayon human matumba kay dunay gihambin nga angol sa tuo niyang kiting.

Duna say higayon nga si Didal nakighugoy-hugoy ug mi-abiba pa gani sa iyang mga karibal. Dili hitupngan ang iyang kabibo ug panagdait ngadto sa iyang mga kaatbang taliwala sa mainit nga kompetisyon nga naghimo kaniyang usa ka kampiyon sa mata sa kadaghanan.

Gawas ni Didal, si Ando mihimo sab og impresyon human mipahiluna sa ikapitong dapit sud sa 10 ka lig-ong mga entrante sa women’s 64kg division sa weightlifing event.

Wala man tuod makamedalya apan ang garbo sa Barangay Carreta, Cebu City mikuha og atensiyon gumikan sa potensiyal nga iyang gipakita sa una niyang pagkumbati sa Olympics.

Sa iyang bahin, si four-time SEA Games gold medalist Watanabe, kansang inahan nga si Irene Sarausad lumad gikan sa Toledo City, natagak sa unang human gipilde ni Cristina Cabana Perez sud lamang sa 38 segundos sa ilang women’s -63kg judo match.

Taliwala sa iyang kapakyasan, si Watanabe mapasigarbuhon gihapon gumikan kay iya mang napas-an ang mabug-at nang daan nga tahas nga mao pag-away alang sa bandila ug nasud.

Sa ilang gipakita sa labing una nilang pagbanat sa Olympics, hayag nga ugma ang nagpaabot nilang Didal, Ando ug Watanabe ug angayan silang atngan puhon sa 2024 Paris Games.

MARGIELYN ARDA DIDAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with