NMs Roque, Ganzon nanghawod sa CEPCA weekly online blitz
CEBU, Philippines — Nanghawod ang Sugboanong National Masters nga sila si Merben Roque ug Rommel Ganzon sa Alex Chua Super Blitz 9 nga gipasiugdahan sa Cebu Executives and Professionals Chess Association (CEPCA).
Gitapos nila ang ang 15-round Swiss system nga kompetisyon bitbit ang 13-5 puntos, apan si Roque maoy milangkat sa unang dapit pinaagi sa tie-breaker.
Si FIDE Master Alekhine Nouri sa Escalante City, Negros Occidental mitala og 13.0 puntos aron pagpahiluna sa ikatulong dapit ning virtual tournament nga gipaluyohan ni US-based Cepcan Engr. Alex Chua, usa ka nursing administrator sa Fidelity Health Care Nursing Home sa Los Angeles, California.
Sila si Sherwin Tiu ug Jesurie Calabia sa Manila, Bhell Ortiz sa Dakbayan sa Lapu-Lapu ug Andrew Casiano sa Catarman, Samar maoy mikompleto sa top seven.
Sa laing bahin, ang top three Cebuano finishers mao sila si Ariel Abellana, Michael Joseph Pagaran ug Edsel Montoya, sila si Jasper Montejo ug NM Rogelio Enriquez Jr. maoy top Cepcans A, samtang sila si Norman Ilayvar ug Richard Ouano maoy top Cepcans B. Ang best female performer mao si Sheila Khan Sepanton, samtang si Archt. Fil Kapuno III maoy hawod sa Prexy Jerry Arena.
- Latest
