Pinoy basketball coach mikulit og kasaysayan
CEBU, Philippines — Ang Pinoy'ng si Mike Magpayo gitudlo nga labing bag-ong head coach sa University of California (UC) Riverside basketball team sa US NCAA.
Gumikan niini, si Magpayo mikulit og kasaysayan isip labing unang Pinoy ug coach gikan sa Asya nga nahimong head coach sa US NCAA Division.
Ang kanhi bitoon sa UC Sta. Barbara maoy mohulip sa dapit ni David Patrick nga gikuha nga assistant coach sa University of Arkansas.
“We wish Coach Patrick and his family all the best at Arkansas and I am fully confident Coach Magpayo will keep this team on the upward trajectory it is on,” matud pa ni UC Riverside Director of Intercollegiate Athletics Tamica Smith Jones.
Sa wala oa gikuhang head coach, si Magpayo nagsilbe isip defensive coordinator ug associate coach sa UC Riverside. Ubos a iyang paggiya, ang depensa sa Highlanders naapil sa top 10 sa US ug mitabla sa D-1 record sa ilang tunghaan uban ang 17 ka daog sa miaging 2019-2020 season.
Si Magpayo mao sab ang founder ug presidente sa Asian Coaches Association.
- Latest
