Erram gibira sa KaTropa
CEBU, Philippines – Ang All-Star bigman ug Gilas Pilipinas mainstay nga si JP Erram nakuha sa TNT KaTropa sa usa ka three-team trade sa miaging gabii.
Ang 6-foot-8 nga si Erram nga nabira sa TNT gikan sa NLEX Road Warriors, mopakusog sa frontcourt sa KaTropa nga gibidahan na daan nila ni Harvey Carey, Troy Rosario ug Kelly Williams.
Ang TNT mibuhi ni Marion Magay ug usa ka first round pick nga gidawat sa Blackwater Elite. Gihatag usab sa TNT ang ilang bigman nga si Anthony Semerad ngadto sa Road Warriors. Nakuha sa Blackwater si Ed Daquioag nga bag-o lang mipirma unta og kontrata uban sa TNT.
"We thank Poy for his hard work, sacrifice, and dedication to our organization, and wish him the best as he continues his career in the PBA," segun pa pamahayag sa NLEX.
Si Road Warriors coach Yeng Guiao mitug-an nga dili unta siya ganahan nga buhian si Erram, apan wala siya'y mabuhat tungod kay pagbuot sa management.
Si Erram nailhan nga usa ka defensive specialist ug gani siya ang nidaog Defensive Player of the Year award niadtong tuig 2018.
- Latest
