Heruela Gibuhian Sa TNT
Cebu, Philippines- Gibuhian sa TNT KaTropa ang kanhi CESAFI star ug Cebuano nga si Brian Heruela nga ilang gi-trade ngadto sa Blackwater Elite bugti ni Mike DiGregorio.
Si Heruela midaog og pipila ka kampiyonato uban sa San Miguel Beermen sa wala pa mapunta sa TNT karon nga season pinaagi sa trade. Si Heruela nahimong sinaligang backup point guard ni TNT coach Bong Ravena, apan ang koponan nakahuna-huna nga ibaylo siya sa shooter nga si DiGregorio.
Si Heruela nabalik sa Blackwater nga maoy unang mikuha niya sa rookie draft niadtong tuig 2014.
Atngan hinuon ang pagsulbong og balik sa scoring ni Heruela uban sa Blackwater ug posibleng siya ang ikaduhang sinaligang guwardiya sunod ni rookie Ray Parks Jr.
Alang ni Blackwater coach Aris Dimaunahan, ang presensiya ni Heruela makapalig-on sa ilang koponan tungod sa kasinatian niini sa playoffs.
- Latest
