Antetokounmpo moduwa sa Lakers
CEBU, Philippines — Ang manghod ni MVP ug Milwaukee Bucks star Giannis Antetokoumpo nga si Kostas Antetokoumpo moduwa sa Los Angeles Lakers sunod season sa NBA nga sugdan sa Oktubre.
Si Kostas katapusang miduwa uban sa Dallas Mavericks sa miaging season diin mi-average siya og 2.3 points ug 1.5 rebounds sa limitadong oras.
Ang manghod ni Giannis mahimong back-up forward sa Lakers nga gibitoonan nila ni Anthony Davis ug LeBron James.
Daghan ang nagtuo nga gawas sa pagkuha og back-up player, ang pagkuha sa Lakers ni Kostas usa ka paagi aron madani nila si Giannis pagbalhin sa ilang koponan kon mahimo na kining free-agent sa 2021.
"The signing indicates the Lakers were laying the groundwork to make a move for Giannis when he’s scheduled to hit free agency in the 2021 offseason," matud pa sa NBA analyst nga si Tasos Kokkindis sa NBA.com.
Gawas nila ni Kostas ug Giannis, lain nilang igsuon nga si Thanasis miduwa na sab sa NBA uban sa Bucks. (BANAT NEWS)
- Latest