Harden, Westbrook nagmangtas apan nangaparot
Emmanuel B. Villaruel (Banat) - March 22, 2019 - 12:00am

CEBU, Philippines – Sila si James Harden ug Russell Westbrook nagmangtas, apan parehong naminghoy human sa duwa kay nangapilde man ang ilang koponan.

Si Harden mipabuto og 57 puntos, apan nakawang ang iyang paningkamot gumikan kay ang Houston Rockets napukan sa Memphis Grizzlies sud sa overtime, 125-126.

Ang eskplosibong salida ni Harden gibaraw nilang Mike Conley ug Jonas Valanciunas nga nagkumbinar og 68 puntos alang sa Grizzlies.

Susama sab ang nadangatan ni Westbrook.

Ang 2017 Most Valuable Player mipatuasik og 42 puntos, 11 ka rebounds ug walo ka assists, apan wala kini mosalir kay ang Oklahoma City Thunder gibuntog man sa Toronto Raptors sud gihapon sa overtime, 123-114.

Wala magsilbe ang impresibong salida ni Westbrook kay ang tanang lima ka starters sa Raptors mikadlit man og double figures ubos sa pagpangu ni Pascal Siakam nga mikabkab og 33 puntos.

Si Fred VanVleet mi-iskor og 23 puntos, samtang si Kawhi Leonard mitali og 22 puntos alang sa Raptors.

Didto sa Cleveland, ang Cavaliers mipahimus sa pagka-angol ni Giannis Antetokounmpo aron moposte og 107-102 nga  daog  batok sa Milwaukee Bucks.

Si Colin Sexton maoy nangu sa Cavs uban ang 25 puntos, samtang si Fil-Am Jordan Clarkson mitampo og 23 puntos.

Bisan og napilde, ang Bucks mao gihapon karon ang naghari sa liga bitbit ang 53-19 record.

WESTBROOK
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with