Clarkson wa'y seguro makaduwa

CEBU, Philippines — Dili kaayo molaom ang Samahang Basketbol ng Pilipinas (SBP) nga makaduwa sa Gilas Pilipinas si Cleveland Cavaliers star  Jordan Clarkson tungod sa kalisud sa proseso nga ilang agian aron maisip kini nga usa ka 'local player'.

Sayo ning semanaha, si Gilas   coach Yeng Guiao naglaraw nga moporma og 'Gilas Dream Team' diin dunganon og pagpasud sila si Clarkson ug naturalized player Andray Blatche, apan si SBP honorary chairman Manny Pangilinan mitug-an nga dili pa kini segurado. Gawas nga kinahanglan pa nga kumbinsihon sa SBP ang FIBA nga usa ka local player si Clarkson, angay usab nga mananghid ang Gilas sa Cavaliers ug  sa NBA kun mosugot ba sila nga paduwaon ang Fil-American sa World Cup.