Poblacion Oriental summer league andam na

CEBU, Philippines – Andam na ang tanan alang sa Poblacion Oriental Summer Basketball Tournament nga sugdan karong Domingo sa Poblacion Oriental covered court sa  Consolacion.

Mga kategoriya nga banatan mao ang mini (15 anyos paubos), midget (21-under), juniors (25-under) ug inter-sitio.

Mga tropeyo ug ganting salapi ang madawat sa tanang mananaog nga teams ning duha ka bulan nga torneyo nga usa sa mga kalihukan sa tinuig nga kapistahan sa ilang mahal nga patron Snr. San Roque karong Mayo 20. Gipaluyohan kini ni Brgy. Capt. Melquiades ‘Leking’ Caylan, sports chairman Eva Malagar ug sa tibuok konseho sa barangay. Ang mga duwa ubos sa superbisyon sa league commissioner Mark Anthony L. Rosal inabagan nilang Joven R. Alivio ug Narciso Monterola.