Mon nangu protesta vs. Peping
CEBU, Philippines — Naghugop ang sports officials sa Sugbo, coaches, athletes ug supporters sa Fuente Osmeña Circle kagahapon sa buntag atol sa gipahigayong protesta nga nag-awhag ni Philippine Olympic Committee (POC) chairman Jose ‘Peping’ Cojuangco sa pagkanaog sa puwesto
Gibana-banang dul-an sa 500 ka atleta nga ubos sa grassroots development program sa Cebu City Sports Commission (CCSC) ug ilang coaches ang mitambong sa ‘peaceful protest’ nga gipangulohan ni Philippine Sports Commissioner Ramon ‘El Presidente’ Fernandez.
“You look at the performance of the national team from way back 2005 when we won the SEA Games championship winning most medals, it has dwindled up to now. We feel that there is a need to change the leadership upstairs especially from the National Sports Associations (NSAs) and the Philippine Olympic Committee,” matud pa ni Fernandez.
Usa sa basihan ni Fernandez sa maong panawagan mao ang makauuwaw nga kampanya sa Philippine Team sa 2017 Southeast Asian Games nga igo lang nakakuha og 24 ka bulawang medalya ug ikaunom sa standing.
“This is a call for change. Sports is all about the athletes, this is not about sports officials. Athletes are the centerpiece and the leaders should not take credit of their achievements. The athletes are the number one actor behind their performances. All leaders must only be there as a support group. We just provide the athletes opportunities for them to show their wares. It is about time to really make a change,” matud pa sa kanhi PBA legend nga si Fernandez.
Dugang pa ni Fernandez nga sa edad nga 83-anyos, kinahanglan na nga moretiro si Cojuangco ug hatagan og kahigayonan ang ubang batan-ong lider nga mosuway pagpalambo sa sports sa nasud.
Sa iyang bahin, si Cebu City Sports Commission chairman Ed Hayco mipakita sa iyang suporta ni Fernandez tungod kay mas makabenepisyo ang mga atleta sa pag-usab sa estado sa paugnat sa kusog sa nasud. (BANAT NEWS)
- Latest