Mahindra mokuha ni Gary David
CEBU, Philippines - Daku og interes ang mga kadagkuan sa Mahindra Floodbuster nga mokuha sa serbisyo sa veteran shooter nga si Gary ‘El Granada’ David nga pabiling usa ka free-agent human buhii sa San Miguel Beermen.
Bisan og wala pa’y kontrata nga gipirmahan, si David daw segurado na nga moduwa sa Floodbusters dihang nasigpatan siya sa mga training sessions sa koponan.
Hinuon, gipaabot kun masolusyonan ba sa Mahindra ang dakung suholan ni David nga usa sa rason nganong wala na kini kuhaa sa San Miguel. Nasayran nga si David nagdawatan og P420,000 matag buwan sa Beermen sa miaging season.
Si Mahindra coach Chris Gavina mitug-an nga gikinahanglan nila ang usa ka beteranong player sama ni David human mawala kanila sila si Aldrech Ramos ug KG Canaleta atol sa offseason. (BANAT NEWS)
- Latest
