UV sud sa finals sa SBP Passerelle regionals
Emmanuel B. Villaruel (Banat) - November 21, 2016 - 12:00am

CEBU, Philippines - Ang mga pambato sa University of the Visayas mikadlit sa ikaduha nilang sunod-sunod nga daog aron pag-angkon og luna sa kampiyonato sa Visayas Regional Finals sa SBP Passerelle Tournament nga gipaluyohan sa Milo didto sa Capiz gymnasium sa Roxas City.

Human nakaipsot gikan sa mga kamot sa host Hercor College, ang UV nag-agi na sab og malisud nga dan sa wala pa paksita ang St. Roberts International Academy of Iloilo, 55-51.

Kontrolado sa UV ang duwa ug gani naglabaw pa sila og siyete puntos, 53-47, sa nahibilin nga dos minutos sa duwa. Igo lamang nakasikit ang St. Robert's sa iskor nga 49-53 gumikan kay si Jose Zaldy Dizon mipasud sa iyang breakaway layup nga nagapahingawa og balik sa UV, 55-49, sa nahaiblin nga 50 segundos sa duwa.

Si Dizon mitapos og 10 puntos, samtang si Joshua Canoy miamot og nuybe alang sa UV, nga makigharong sa Bacolod Tay Tung High School alang sa titulo.

Sa SBP division, ang UV mipanso sab og ticket sa finals human gitagak ang Hua Siong College of Iloilo, 37-27.

Human miposte og 28-21 nga labaw sa ikatulong kuwarter, gilimitahan sa UV ang Hua Siong ngadto lamang sa  singko puntos sa katapusang hunat sa duwa aron silyohan ang ilang kadaogan.

Sangkaon sunod sa UV ang University of St. La Salle-Bacolod nga mi-abante sab human gipalagpot ang Colegio de la Purisima Concepcion of Roxas, 68-51.

Ang mga mananaog makaangkon og katungod nga morepresentar sa Visayas sa national finals karong Disyembre 3-4 didto sa Bacolod. (BANAT NEWS)  

SBP PASSERELLE REGIONALS
Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with