^

Banat Palaro

UV, USC, SHS-Ateneo naghari sa CYBL

Banat

CEBU, Philippines – Ang University of the Visayas (UV), University of San Carlos  (USC) ug Sacred Heart School-Ateneo de Cebu (SHS-AdC) parehong mikulit og kulbahinam nga daog aron pagsakmit sa kampiyonato sa tagsa-tagsa nila ka dibisyon sa Cebu Youth Basketball League 2015 Season 8 didto sa Magis Eagles Arena sa SHS-Ateneo sa Barangay Canduman, dakbayan sa Mandaue.

Sa Under 10 division final, ang UV nakaipsot batok sa  USC, 44-41.

Ang UV nagsandig sa mainit nga mga kamot ni Juliano Aragon, nga miposa og 10 sa iyang 18 puntos sa katapusang kuwarter aron pagtuboy sa Baby Lancers sa ikatulo niining sunod-sunod nga titulo. Miabag kaniya si Daniel Padilla nga milansang og 14 puntos.

Sa Division 1 Under 12 final, ang USC nakabangon aron pagpakaging sa SHS-Ateneo de Cebu sud sa overtime, 53-50, samtang sa  Division 2 Under 18, ang SHS-Ateneo de Cebu Passerelle team munasginhawa sab nga mipukan sa Salazar Colleges of Science and Institute of Technology (SCSIT), 75-73 aron pagsakmit sa korona.

Sa Division 1 Under 12, ang USC mao sab ang kanunay nga naggukod ug nabiyaan pa gani og nuybe puntos, 36-45, sa katapusang dos minutos sa duwa. Apan ang USC milusad og 9-0 run aron pagpuwersa og overtime.

Sa dugang singko minutos, ang USC na maoy mikontrolar ug wala na molingi pa human miposte og 51-46 nga labaw.

Nangu sa USC mao sila si Stephen Cortes ug Reinhard Jumamoy nga nagkumboya’g 25 puntos.

Samtang sa Division 2 Under 18 final, ang SHS-Ateneo nagsalig sa mainit niining end-game rally aron pagpukan sa SCSIT. Human gitabla ni Bobcarsten Butal sa SCSIT ang iskor, 73-all sa nahabilin nga 10 segundos, si Carlos Canoy gi-foul nga wala na’y oras nga nahibilin.

Yanong gipasud ni Canoy ang iyang free throws nga maoy nagbayaw sa SHS-Ateneo ngadto sa himaya. Si John Aguilar hinuon maoy nangu sa SHS-Ateneo sa pagtali niini og 19 puntos. (BANAT NEWS)

ANG

ANG UNIVERSITY OF THE VISAYAS

ATENEO

BABY LANCERS

BARANGAY CANDUMAN

BOBCARSTEN BUTAL

CARLOS CANOY

CEBU

CEBU PASSERELLE

NGA

SA DIVISION

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with