Moralde nagpangagot mopakamang ni Sabalde
(Banat) - January 22, 2016 - 9:00am

CEBU, Philippines - Ang wa’y pildeng si John Vincent  ‘Mulawin’ Moralde sa Sanman Promotions naglaraw og daog pinaagi sa knockout batok sa Sugbuanon nga  si Anthony ‘Zorro’ Sabalde sa 10 ka hugna nilang  sangka alang sa WBF International featherweight title nga maoy main event sa “Brawl at the Mall: Glory”  sa Pebrero 13  sa Gaisano Mall Atrium sa General Santos City.,

“Kun tagaan og tsansa, ako gyud siyang tumbahon,” bahad pa sa 21-anyos nga si Moralde, nga nagbitbit og  14-0 record uban ang 7KOs.

Miangkon hinuon si Moralde nga dili angay kompiyansaan si Sabalde (10-4, 5KOs) gumikan kay lig-on sab kini nga boksidor. Gani si Sabalde midaog sa katapusan niyang away batok nilang Bonnie Makiling ug Phil Angcamor.

“Ako bantayan nga siya masipyat ug ako dayon kining pahimuslan aron   ako siyang tapuson,” dugang pa ni Moralde, ang kasamtangang WBC Asian Boxing Council Continental featherweight champion.

Sa iyang bahin, si Sanman Promotions CEO Jim Claude ‘JC’  Manangquil nagkanayon nga kun modaog si Moralde, gusto niining hagiton silang WBO featherweight champion Vasyl  Lomachenko (5-1, 3KOs) ug dili ba si WBA super featherweight champion Leo ‘El Terremoto’ Santa Cruz (31-0-1-17KOs) sa Mexico. (BANAT NEWS)

ACIRC ASIAN BOXING COUNCIL CONTINENTAL BONNIE MAKILING EL TERREMOTO GAISANO MALL ATRIUM GENERAL SANTOS CITY MORALDE NBSP NGA SABALDE SANMAN PROMOTIONS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with