Green, Black gisubha'g daog sa RBL
CEBU, Philippines - Gisubhan dayon og daog ang Green ug Black teams sa pagsugod sa Ranudo Basketball League (RBL)
niadtong Abril 25 didto sa Benjamin Solon Memorial Gymnasium sa Barangay Cogon Ramos, Cebu City.
Ang Green team mipamatuod sa ilang katakus aron lumsan ang Blue sa iskor nga 82-65, samtang ang Black
milampurnas sa Yellow, 106-104.
Si Christopher Nathaniel Occo mipabuhagay og 27 puntos, samtang si Lee Limosnero mikimada og 17 puntos
ug si Owen John Cartagena mitikdol og 11 puntos alang sa Green nga migamit sa nag-uros nilang opensiba sa final period
nga nakatabang kanila sa paglubong sa Blue.
Ang pilderong Blue team gipangulohan ni Osmundo Cartagena Jr., kinsa mikadlit og 19 puntos, gisundan ni
Buknoy Sacro sa iyang 13 puntos ug Rene Rubi nga adunay 12 puntos.
Sa main game, si Ray Brian Rubi mitikdol og 34 puntos, samtang si Ryan Galo mitimang og 33 puntos alang sa
Black team, kinsa nakalingkawas sa kulbahinam nga duwa. Si Bagani Estrera mihimo sab og double figures pinaagi sa iyang
23 puntos.
Ang naparot nga Yellow gipangulohan ni Papi Rosales, kinsa miratsada og 32 puntos. Laing upat niya ka
teammates ang miiskor sab og double figures.
Puntos matag usa
Unang duwa:
GREEN (82) - Occo 27, Limosnero 17, Cartagena 11, Manzano 9, Sotelo 8, Arbol 4, Godiz 2, Darryl 2, Go
2
BLUE (65) - Cartagena 19, Sacro 13, Rubi 12, Carungay 4, Navasca 4, Cabalida 4, Banzon 3
Ikaduhang duwa:
BLACK (108) - RB Rubi 34 puntos, Galo 33, Estrera 24, Durano 7, Limosnero 6, P. Rubi 4
YELLOW (104) - Rosales 32, Estrera 21, M. Miscala 17, Fuentes 12, Klee 10, J. Miscala 6 (BANAT NEWS)
- Latest
