Bukid diha sa patag
Dunay pari nakong kaila nangutana nako kun asa ko nadestino. Ako siyang giingnan nga nia ko sa Madridejos, Alegria, Cebu.
Dugang niyang pangutana kun daghan ba ang mga bukid ug sa gihapon ako siyang gitubag nga ning maong parokya diin ako nagpuyo karon daghang mga bukid duol ug lagyo dunay masulod og sakyanan, dunay lakwonon gyud.
Giabot ko og katingala kay siya nagkanayon man: “Ako naa sa siyudad apan may kauban mi nga bukid alang kanamo!”
Ang bukid dunay nagakdaiyang kahulogan. Mahimong sabton nato kini nga simbolo sa kahilom ug sa presensiya sa Dios. Mao nga gidapit kita sa pagtungas sa tagsa tagsa nato ka mga bukid.
Sa laing bahin, mahimong sabton nato kini ingon nga usa ka tungason kaayo nga kahimtang nga sa ato pa, usa ka malisod nga kahimtang bunga ba kaha sa usa ka suliran o kalambigitan.
Tingali ang maong pari nagkanayon nga bisan anaa sila sa siyudad apan dunay bukid gumikan tingali sa ilang kauban ug kahimtang.
Apan dili kita angay nga mabalaka niini kay walay suliran nga dili nato makaya kay anaa ang Ginoo mouban man kanato.
- Latest