Nagtago tago sa City Hall

Hide and seek ang scenario sa Cebu City Hall niadtong adlaw’ng Biyernes dihang gi-serve sa mga opisyal sa Department of Interior and Local Government DILG Region VII ang suspension order nilang Mayor Mike Rama ug laing pito ka mga opisyal ubos sa iyang buhatan tungod sa kasong wala pagpasweldo sa upat ka mga empleyado sulod sa napulo ka buwan.

Unang giadto ni Director Leocadio Trovela ang buhatan sa mayor sa ground floor apan wala siilay naabtan bisan ang mga staff kalit lang nanahaw ug wala gyud ma-received ang suspension order alang kaniya. Giadto usab nila ang ubang mga buhatan diin nahisakop ang laing pito ka mga opisyal apan susama gihapon ang scenario.

Hangtud nahapunan nalang ang mga DILG officials wala gyud motunga ang mga city hall officials nga suspensohonon hangtud gipapilit nalang nila ang orrder sa pultahan sa city assessor apan nahibulong ang media kay wala man papitli og suspension order ang buhatan ni Mayor Rama.

Nakahukom ang mga opisyal sa DILG nga mobalik sa ilang buhatan kay mag meeting sa sunod nilang buhaton.

Dili na gani unta magpa interview si Director Trovela hangtud nga napugps kini sa pagtubag sa mga pangutana sa media kong na-serve na pa ang suspension apan mitubag kini og wala pa maong naglibog ang mga tigbalita.

Kadaghan na ako maka-cover og implementation sa suspension sama kaniadto ni Governor Gwen Garcia kinsa wala moatubang sa DILG nga niadto sa buhatan niini apan ang gihimo sa dilg director kaniadto gipapilit ang order sa pultahan sa opisina sa gubernador ug human na dayon diin pasabot nila kaniadto nga mamahimong simbolo lang kini sa implementasyon sa pagsuspenso sa naasaoyng mga opisyal.

Ang Ombudsman ang mipahamtang sa preventive suspension ug igo lang kining gipatuman sa DILG ang implementing agency. Nakaingon ang mga reporters nga kong magsige og tago ang mga respondents dili diay ma-serve ang suspension order? Unta to, gitan-aw unta daan sa DILG ang posibleng mahitabo sa ilang lakang, klaro na nga dili gyud moatubang kanila ang mga sinumbong. Kong nagtoon ang DILG masayod gyud sila sa ilang pagabuhaton, apan murag wala man maghimo sa ilang homework kay pag abot nila sa city hall murag mga elementary nagkapangka pangka kun unsay ilang himoon.

Matud pa sa ubang mga abogado nga sayon ra  gyud unta to kaayo, gipapilit sa city hall ang suspension human na ang ilang trabaho kay sa moapil pa sila sa hide and seek sa mga gipangsuspenso.

Nasayod na silang daan nga ingon niini ang mahitabo busa wala unta sila magtinalawan sa pagpatuman sa gimando kanila sa ilang ulohang buhatan.

Kung dili motunga ang mga respondents dili pud ma-serve ang suspension order?