Sa dihang nabanlod ang kadasig

Adunay tulo ka mga pamaagi nga mahimong buntogon ang atong pagtuo ug ang atong kaugalingon. Naglangkob kini ning mosunod: Deception, Discouragement. Apan dunay antidote niini nga mao ang Discernment ingon man Discipline. Mao kini ang nahitabo sa atong panahon karon.

Deception

Nagpasabot man kini og panlimbong. Mahimong ang atong mga pamaagi gamiton batok kanato. Mao nga dili maayong mokumpiyansa bisan gani sa suod nimong mga higala. Kay ang bitinon og mga kinaiya pabiling igmat sa pagpangita og tukmang timing aron makapamintaha.

Discouragement

Kun ang pagpawong sa atong kadasig. Duna koy higala nga aktibo kaayo sa pagtabang sa mga tawo labina gyud diha sa iyang apostolado sa reflexology. Dili pa lang dugay nasagmuyo siya dako uyamot kay kadtong iyang mga tinudloan nibuwag gikan sa iyang pundok ug nahimong iyang kompetensiya sa dapit diin sila nag-okupar. Naguol siya tungod kay maayo man unta ang iyang pagtratar kanila. Gipapuyo sa ilang balay kaniadto. Ang minarama nga panlimbong maoy nakapawala sa kadasig nga motabang sa ubang mga tawo. Gitambagan ko siya nga sagdi na lang mahanaw man tuod ang imong kadasig apan sa bawos sa karma sila ang magsangkiig. Walay dautang mga bunga nga magpabilin sa kahoy silang tanan mangahulog ug malaglag. Kun unsay imong gitanom maoy imong anihon. Paagi kini aron luyahon ang si bisan kinsa diha sa iyang paningkamot ug pakigbisog. Apan mao kini ang atong hinumdoman mahimo nga kita mopahuway apan dili magpapildi.

Apan sa laing bahin mahimong atong himoon kining mosunod:

Discipline kun ang pagpitol sa atong mga galamhan aron diha sa atong pakig-asdang sa mga kaaway nga espirituhanon. Dili nato tugotan ang atong galamhan nga maoy mopatigbabaw sa matag desisyon nga atong pagahimoon.

Discernment kun ang pagpamalandong dalang timbang timbang sa matag hitabo sa atong kinabuhi. Ang kinabuhi nga walay tataw nga pagpamalandong dili angay puy-an.