^

Banat Opinyon

Atraso sa mga turutot

ARANGKADA - Leo Lastimosa - Banat

Kon tinuod nga taktakon na si Press Secretary Trixie Cruz Angeles ug pulihan ni Atty. Mike Toledo, nga tigpamaba ug press secretary sa administrasyon ni kanhi Presidente Joseph Estrada, mag-uban silang kanhi Executive Secretary Victor Rodriguez sa lista sa mga opisyal nga wa abti og 100 ka adlaw sa puwesto.

Kon tinuod nga naglinigwatay na ang nagkabangga nga mga puwersa sa Malakanyang, di makapakugang nga ang ulo ni Angeles maoy sunod nga moligid sa kang Rodriguez nga gikataho nga maoy nituboy niya bisan sa kadaghan nga nangambisyon sa katungdanan.

* * *

Mahimong ang utang kabubut-on niya ni Rodriguez, o ang kahilaw ni Angeles sa pasikutsikot sa Malakanyang, maoy nakatukmod niya paghimo sa seryosong atraso sa usa ka tigpamaba: Kapakyas pag-ila sa tinuod niyang amo.

Sa pag-ulbo sa krisis sa asukar, dihang gipaburot sa Malakanyang ang pangangkon nga artipisyal ang kanihit ug smugglers ug hoarders ang mga nasakpan sa mga ronda sa Bureau of Customs (BOC), gisigehan og ulug-ulog ni Angeles si Rodriguez. Hinikalimtan ang lagda nga presidente ray tinuod nga bida.

* * *

Nawani si Presidente Ferdinand Marcos Jr. kay Si Rodriguez ang gipahumot sa press briefings ni Angeles sud sa pila ka adlaw:

Si Rodriguez ang nisugo sa BOC sa pagronda sa mga bodega ug mga barko sa asukar; ug

Si Rodriguez ang nikumbinser sa SM, Robinsons ug Puregold sa pag-um-om sa alkanse sa paglaslas sa presyo sa asukar sa ilang supermarkets gikan sa P100 ngadto sa P70 kada kilo.

* * *

Bisan sa kasipsip sa mga senador ug kongresista sa administrasyon, ilang imbestigasyon sa krisis maoy nakabisto sa bakak nga gisangyaw sa Malakanyang (nga wa na kaduphi nilang Rodriguez ug Angeles):

Kanihit sa asukar gipamatud-an sa mga dokumento sa Sugar Regulatory Administration (SRA), Department of Agriculture (DA), Department of Trade and Industry (DTI), Philippine Statistics Authority (PSA) ug National Economic and Development Authority (NEDA) nga nipasidaan sa kanihit sa Abril ning tuiga;

Ang gipa-resign nga mga opisyal sa DA ug SRA nituman ra sa sugo ni Rodriguez ug sa presidente; ug

Ang presidente nisugo og importasyon sa 600,000 metric tons nga asukar pero gibaraw sa SRA kay ting-ani na sa tubo.

* * *

[email protected]

MIKE TOLEDO

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with