^

Banat Opinyon

Suan manggihuna- hunaong mayor

JAV BANATI - Javier Tapulado - Banat

Isip usa ka buotan ug kugihang amahan sa lungsod, dili siya gustong mahitumpawak sa dautan ang iyang mga anak. Ilabi na, kon sa iyang pagkamabinantayon matag adlaw, pagahikit-an niya ang dakong kakuyaw sa dalan paingon sa unahan, diin ang dagat nga gihimong kaligoanan sa mga lumolupyo ug turista dili na luwas.

Hinunoa, makapaalaot sa kahimsog sa ilang panglawas ug seguradong mosumbalik niya ang dakong suliran kon kini dili mapugngan. Unsay gibuhat ni Cordova Mayor Cesar ‘Didoy’ Suan?

Dihang gipagawas na ang resulta sa laboratory test sa water sample gikan sa kadagatan sa Cordova nga gipahigayon sa mga sakop sa Environmental Management Bureau (EMB), niadtong Hulyo 10 ug Agosto 22, 2022, diin nasuta nga aduna kini coliforms (kagawng makuha gikan sa ihi ug hugaw sa tawo ug mananap nga mitipon sa dagat), gianunsiyo-pahibalo gilayon kini niya ngadto sa iyang katawhan.

 Ug mipalig-on sa daan na niyang napagawas nga executive order sa miaging bulan, nga nagmando sa pagpahunong sa tanang hinimoay’g permanente ug nanglutawng cottages nga walay permiso.

Ug nakasupak sa daghang gidili sa balaod. Kahinumdoman, sa nangaging mga adlaw, gipanghingusgan sa mayor ang pagsuspenso una sa mga floating cottages nga walay tarong pansayan, diin dili seguradong mohipos sa ihi ug hugaw sa tawo aron dili moaslay tipon sa dagat.

Gimandoan niya tanang nagnegosyo niini nga magbaton kanunay og limpiyong kasilyas nga makaprotehir sa kahimsog sa panglawas. Usab, iyang gikontrol ang gidaghanon sa gusto pang magtukod.

Hunahunaa lang. Kon magkanitkanit-punsisok ang fixed and floating cottages sa kadagatan sa Cordova, modagsa usab ang panon sa kustomer, kinsa sa ilang pagpangaligo, sa hilom, anha lang magpatil-is sa ilang ihi ilawom sa dagat. Diin, sa tantong langoylangoy masug-ipan-maunay sa pag-inom ra pod sa hugawng ilang gilabay nga aduna nay coliforms.

Daghang nakadayeg sa gibuhat ni Mayor Suan. Kanunay niyang gihunahuna ang kaayohan sa panglawas sa iyang katawhan ug sa mga turistang mangaligo sa ilang kadagatan. Kay mag-unsa man ang kadakong kitaon sa maong tourist destination kon ang katumbas niini, maghatag og sakit sa katawhan? Dili ba matod pa sa DOH: “Health is wealth?”

Pagka suwerte sa taga Cordova. Nga nakabaton og usa ka manggihunahunaong mayor. Dapat, ila siyang ampingan!

DAUTAN

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with