^

Banat Opinyon

Makalilisang nga paglihok sa yuta

LABTIK - Alan P. Domingo - Banat

Usa ka makalilisang nga katalagman ang mitay-og sa Luzon niadtong Miyerkules sa buntag diin nakatagamtam og magnitude 7 nga linog ang mga dapit diin ang nagrabehan ang regions 1 and 2 ug ang Cordillera Administrative Region kon CAR.

Dayag kaayo ang kadaut nga namugna sa linog nga nigusbat sa daghang mga edepisyo ug adunay mga naangol ug naa usay mga nakalas nga kinabuhi. Dili matukib ang kalisang nga gibati sa mga tawo sa nasinati nila nga kabangis sa kinaiyahan.

Ang nahitabo sa Luzon, nasinati na nato dinhi sa Kabisay-an ilabi na sa Bohol ug Cebu niadtong tuig 2013 nga mitay-og usab ang 7.2 magnitude nga linog nga mihugno sa daghang mga estraktura diin kasagaran ang mga karaan nga buildings ug simbahan.

Hangtod karon daw mabatyagan gihapon nako ang pagtay-og sa yuta nga daw naay nag dribble sa ilawom sa yuta niadtong tungora. Ingon niana ang epekto dili lang sa material nga butang kon dili apil na ang epekto sa physical, psychological ug emotional.

Maka-relate kita sa sitwasyon sa atong mga kaigsuonan didto sa mga apektadong dapit sa Luzon nga nag-antos sa epekto sa linog nga ilang nasinatian, human sa linog nawagtang ang ilang power supply ug wala pa ganiy klaro kanus-a mahibalik.

Lisod ang kahimtang didto nga walay mga tindahan nga kapalitan sa mga konsumo sa mga tawo kay sirado ang mga establisemento, ang fuel usab sa mga sakyanan nagkuwang.

Makaingon kita nga dili lalim kay niadtong bagyong Odette mas grabe pa gani niini ang atong nasinatian busa gikinahanglan kaayo ang suporta nga mahatag nato ngadto sa mga tawo nga nagkinahanglan niini karong panahona.

Kanunay na nga nagpahigayon og simulation exercise or earthquake drill isip pangandam sa ingon niini nga panghitabo apan lahi ra man gyud kaayo ang practice kay ining abot na sa realidad mawagtang ang tanan nga gipraktisan.

Hangtud karon wala pay naimbento sa tawo nga maka-predict og linog, dili sama sa bagyo nga pwede na mamonitor sa satellite kong asa na ang bagyo ug kanus-a posibleng moigo.

Ang pagtubag sa mga dagkong katalagman, kanunay na natong mabatian sa atong kagamhanan nga maoy ilang tutokan unta sa panahon karon mahatagan na og katumanan kay sa tinuod lang murag matutokan ang ingon niini nga panghitabo kong moigo na ang katalagman.

Unta dili makalimtan ang mga kasinatian nato sa nangagi sama nalang diri sa Visayas ug sa Mindanao nga naka experience og mga pagtay-og sa yuta, ang pangutana karon andam na ba kita sa mas dako pa nga katalagman simbako lang.

Ang giingon nila nga the big one nga moigo sa kaulohan, ang magnitude 7 dili pa ni mao apan duna pay mas kusog. Hinuon kini pangagpas lang pero pinasubay usab sa pagpaniid sa mga experto gamit ang ilang gibasehan.

Sa pagkakaron, gawas sa pagpangandam, ang pag ampo gyud ang angayan natong dangpan kay bisan usa ka dako sa problema nga moabot sa atong kinabuhi, anaa kanunay ang Ginoo mosapnay kanato panahon sa atong panginahanglan.

Mas gamhanan ang Ginoo itandi sa bisan unsa nga katalagman. Kining atong mga nasinati karon usa kini ka pagsulay kon unsa ka hugot ang atong pagsalig Kaniya busa inay maluya mas pasamuton pa nato sa pagpalig-on ang atong pagtuo sa Labaw nga Makagagahum.

CORDILLERA ADMINISTRATIVE REGION

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with