^

Banat Opinyon

Pagkabig og balik sa nahisalaag nga panon sa karnero

LABTIK - Alan P. Domingo - Banat

Nag-viral sa social media ang nahitabo sa sulod sa simbahan sa Mantalongon lungsod sa Barili diin usa ka lalaki ang misaka sa altar nga makigkomprontasi sa pari nga nakabalda sa gipahigayon misa atol sa kapistahan sa lugar.

Gidakop ang naasoy’ng lalaki sa kapolisan tungod sa kalapasan niini nga matud ni Police Col. Engelbert Soriano, ang direktor sa kapolisan sa lalawigan sa Sugbo nga gibasehan sa pag aresto ang kalapasan sa Article 132 hangtod sa 133 sa Revised Penal Code diin nalatid ang interuption sa religious worship ug offending religious feelings.

Naa diay balaod nga mamahimong makagukod sa mga tawong magyamayama sa tinuohang relihiyon diin kong mapamatud-an nga adunay basehan mamahimong madakpan. Naa ra ba gyuy mga tawo nga gahimo og mga ingon niini dili lang didto sa Barili kon dili sa bisan asa nga lugar nga manghinaway ug manginsulto pinaagi sa pagpamuak sa imahen o rebolto sa mga santos.

Hinuon ang nahitabo sa Barili wala man mamuak og imahen ang giingong lider sa grupo kon dili nagyawyaw kini nga mitaas ang tingog ug ang gipuntarya niya mao man ang pari sa simbahan ug dili ang pagtoo sa Ginoo.

Tungod lang nga nakasamok sila sa misa maong napuno ang pari og gipadakop ang lider sa mga pulis nga anaa duol sa simbahan niadtong tungora.

Apan adunay lawom nga rason nganong nahimo sa grupo ang pagsaka sa altar ug pagyawyaw niini diin gibutyag sa lider nila nga akong nahinabi nga si Jerome Villarin nga wala na sila kaagwanta sa gipakitang pagtratar kanila sa pari.

Gidid-an sila sa pagsulod sa simbahan, gani gisirad-an pa ang pultahan. Kadtong mga nakasulod na gipagawas ug gipang abog kay lagi sakop sila sa kulto.

Adunay mga gihimo ang grupo nga sukwahi sa doktrina sa simbahang Katoliko nga maisip nga kulto apan giklaro sa lider nila nga dili sila kulto kay mga binunyagan silang mga katoliko.

Gani nakapangutana sila nga alang ra sa mga datu ang simbahan ug sila nga mga pobre abugon, giangkon ni Villarin nga usa siya ka faith healer sa mga tawo nga walay kwarta. Gawas pa wala man kuno sila mohimo og panambal sa sulod sa simbahan kay didto niya kini himoa sa iyang balay ug wala gyud kuno sila makahimo og sala.

Kong atong pamation ang version sa grupo midyo makapahiubos sa mga hingtungdan nganong did-an man sila sa pagsulod sa simbahan nga dakong paghikaw sa ilang katungod isip katoliko.

Ibutang nato nga nakasala kining grupo sa lagda sa simbahan, dili seguro haum nga did-an sila sa pagtambong sa misa inay kabigon siya nga mahibalik sa panon sa mga karnero kong nahisalaag man sila.

Samtang sa grupo ni Villarin, gikinahanglan nga ipatigbabaw ang diplomasya, mahimong estoryahon ang pari nga dili sa sulod sa balay alampoanan kay dili gyud haum nga mahitabo ang komprontasyon didto kay templo kini sa Dios. Ipatigababaw ang respeto sa isig ka tawo, kong ni respeto ka sa isig ka tawo mao usab kana ang pag respeto nimo sa Dios kay Siya ang naghimo kanato.

ENGELBERT SORIANO

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with