^

Banat Opinyon

Panahon nang mokuyog sa panon

ARANGKADA - Leo Lastimosa - Banat

Angay’ng mabalaka ang lokal nga mga opisyal sa mga probinsiya sa Bohol ug Rizal ug mga syudad sa Tagbilaran ug Antipolo. Kay nahitabo ang kinadak-ang tapok sa mga botante sa ilang mga lugar nga wa kinahanglana ang ilang kuwarta ug inpluwensiya.

Gani, nagkatapok ang 80,000 ka tawo sa karaang airport sa Tagbilaran niadtong Biyernes ug ang 43,000 ka tawo sa Capitol grounds sa Antipolo niadtong Martes nga way tabang gikan sa mga opisyal. Makapa-alarma nga di ang gisuportahan sa mga politiko ang mga ngan nga gisiyagit sa katawhan.

* * *

Ang lokal nga mga politiko ang labing nasuhito sa mga panginahanglan sa pagtapok og daghang tawo aron moabiba sa politikanhong rallies: Hakot sa mga sakyanan, libreng kaon ug pag-apud-apod og kuwarta human sa kalihokan.

Nalisang tingali ang lokal nga mga opisyal sa Bohol ug Rizal nga naniid nga ang katawhan nitambong sa rallies sa ilang kaugalingong paningkamot, nagbawon og mga pagkaon nga kasagaran para sa tibuok pamilya, wa magkatibuwaag bisan sa uwan, ug human sa kalihokan malipayong namauli sa way pagpaningil og bayad sa ilang kahago.

* * *

Nagsige na tingali og pangutana ang lokal nga mga opisyal sa Bohol ug Rizal unsay nakit-an sa katawhan nilang Bise Presidente Leni Robredo ug Senador Kiko Pangilinanan. Nganong nikalit man lang sila og kalami? Nga bisan ang uwan nihunong man pagdiskurso nila? Di lang sa Bohol ug Rizal kon dili apil na sa mga syudad sa General Santos ug Zamboanga?

Madani pa ba sa kuwarta ug ulug-ulog ang mga botante? O panahon nang mouban sila sa panon?

* * *

Ang kalibog ug kabalaka di ila lang sa mga opisyal sa Bohol ug Rizal. Mao sab ang nabatyagan sa lokal nga mga opisyal sa Sugbo ug ubang lugar nga way nagsuporta nilang Robredo ug Pangilinan.  Kay Semana Santa na man sunod semana, namalandong na tingali ang kinabag-an sa mga mayor wa ba sila mahimutang sa sayop nga bahin sa kasaysayan.

Kay mga politiko maoy labing nasuhito. Tanan nilang panghambog ug kahawod way kahulogan. Kon ang kinabag-an sa katawhan makaamgo na kinsay tinuod nga gamhanan sa pagpanimon sa mga lungsod, mga syudad, mga probinsiya ug, labaw sa tanan, sa nasud.

* * *

[email protected]

vuukle comment

ANTIPOLO

Philstar
x
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with