_banat
^

Matud pang venerable Fulton Sheen

MGA LAMAS SA KINABUHI - Fr. Rey Cui (Banat) - June 22, 2021 - 12:00am

“Pain without Christ is Suffering, Pain with Christ is Sacrifice!”

Kini ang giluwatang pamahayag sa nabantog nga tele evangelist Fulton Sheen. Daghan kaayo siya og mga panultihon nga tulokibon kaayo uyamot labina gyud ning mga panahona karon.

Anaa gyud ang pag-antos ug matag usa kanato nahimong moatubang niini segun sa natakdang panahon ug kahigayonan.

Dunay mga pag-antos nga tinuyoan, sa ato pa resultado sa atong gipiling pagkinabuhi. Dunay ubang pag-antos nga bunga sa atong kadanghag.

Dunay  mga pag-antos nga gipaantos kanato sa mga tawong way puangod. Sa kinatibuk-an ang tanan mahimong mag-antos ug paantuson.

Apan dunay mas halawom pa nga kahulogan luyo sa matag pag-antos. Kini naglangkob sa paagi nga gilantaw ang matag pag-antos. Kun ato kining gilantaw ingon nga silot ug tunglo nan, malisud gyud kini dawaton.

Sa ato pa, ang kasakitan nga hawa sa paghigugma usa man ka dakong kadaut. Ang kasakitan nga pinasikad sa paghigugma usa man ka dakong sakripisyo. Mas makahuloganon kini labina kun ato kining iangkla sa pagtuo sa makaluwas nga pag-antos ni Kristo kang kansang kamatayon nitubos kanato.

Anaa man tuod ang pag-antos ug kini makapaluya kanatong mga tawo apan wala kini magpasabot nga human kita maluya kita moundang ug magpaulipon sa kapakyasan. Mamahimong samdan man tuod ang atong kasingkasing apan matud pa ni Venerable Fulton Sheen: “Sometimes man’s heart has to be broken for God to enter it!”

Ning paagiha nakita nato ang bili sa atong pag-antos. Dili kini usik hinunoa atong pagdaug batok sa naghinobrang pagpatuyang sa kaugalingon.

FULTON SHEEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with