^

In 500 voices

MGA LAMAS SA KINABUHI - Fr. Rey Cui (Banat) - April 17, 2021 - 12:00am

Dili pa lang dugay gisaulog didto sa Lapu Lapu ang Musica Sacra nga kalihokan diin gibanabanang dunay mga 500 ka mga tingog ang madungog kini pinasikad sa kasamtangang pagsaulog sa 500 years of Christianity sa atong nasud.

Lipay kaayo ko tungod kay bisan pa man kun wala ko makaadto nakita man nako ang mga kabatan-onan nako sa kanhi kong parokya sa Mohon, Sogod ubos sa maantigong pagdumala sa kasamtangang kura Padre Maloy ingon man sa inahanong pagpangga ni Mam Aylin nga karon mao naman ang PPC President.

Nalipay usab ako tungod kay usa mga napiling choir nga miawit usab sa birtual concert sa awit nga El Signore mao man ang akong mga batan-ong koro sa parokya ni San Jose dinhi sa Madriejos, Alegria Cebu. Virtual man tuod kasagaran apan padayong duol sa dughan ang tagsa tagsa.

Nahimong konektado sa gihapon ang mga 500 ka mga tingog maduol man o malayo.

Ingon ana kanindot ang diwa sa kasaulogan. Dugang pa niini dako natong kalipay sanglit dunay pipila sa atong mga kaigsuonan nga nibibya ang nibalik sa atong panon.

Home sweet home ingon tang pulonga pinaagi sa Sakramento sa Bunyag nga maoy gihatagan og igong gibug-aton ning mga panahona.

Daghan man tuod ang mga tawo gikan sa mga nagkadaiyang kagikan, panlantaw ug kultura. Apan ang maong gidaghanon wala mayagaw tungod kay ang ilang kasingkasing padayon mang nipitik sa usa lamang ka pinitik nga mao ang Gifted to Give.

Kini mao ang hingtungdan nga bisan gani ang pandemiya dili makapugong sa maong kadasig ug kaikag nga mamahimong mahinungdanong kabahin sa dakong kasaulogan.

Ang kalipay nga gihambin dili lamang tungod sa ilang nadawat nga kahigayonan nga makatampo sa ilang talento kondili ang maong kasinatian, kasinatian man usab sa ilang kaugalingong kabag-ohan ug pasalamat sa Dios gumikan sa mga gasang nadawat. Gifted to Give, Gifted to Live!

LAPU LAPU
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with