^

Gustong sagupon ang pag-umangkon

LEGAL CORNER - Atty. Divine Flores (Banat) - April 14, 2021 - 12:00am

Dear Atty. Divine:

Ang akong igsuon napaangkan og iyang gibilin nako ang bata og milarga siya abroad og nagtrabaho isip domestic helper. Duha na siya ka tuig sa gawas ug wa gyud mouli ug wa gani magsuporta sa iyang anak. Basi sa among nahibaw-an nga naminyo na daw kini ngadto ug duna nay usa ka anak.

Ang bata nga gibilin ngari nako kapin na sa 2- anyos ug ako ang giila niya nga inahan. Pagkakaron wa koy trabaho ug ang akong bana bag-o lang nataktak sa trabaho human manira ang ilang kompaniya. Ang akong pangutana kun mamahimo ba namong sagupon ang akong pag-umangkon kay kami man gyud ang giila niini nga mama ug papa? Unsay among buhaton? Daghang salamat.

Linda

* * *

Dear Linda:

Adunay mga kwalipikasyon nga gilatid sa Domestic Adoption Act of 1998 alang sa mga gustong mosagop. Apil sa gilatid sa maong balaod nga ang mosagop is in the position to support and care the child. Sa ato pa, dapat financially stable ang mosagop sa bata nga makabuhi kaniya ug makapaeskwela.

Kinahanglan sab ka og Affidavit of Consent gikan sa imong igsuon ug sa amahan sa bata. So, sa pagkakaron nga wa pa moy trabaho dili gyud mo mo-qualify sa pagsagop. Ang maayo ninyong buhaton mao ang pagpangita og trabaho ug kun naa na moy stable job then mamahimo na mong mo file og Petition for Adoption sa korte pinaagi sa inyong abogado. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.

HELPERS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with