_banat
^

Banat Opinyon

Nilig-on ang kumpiyansa

LINTUNGANAY - Fred Languido - Banat

Gikan sa 600 lang ka mga health care workers sa Vicente Sotto Memorial Medical Center nga unang nagpalista aron magpabakuna gamit ang sinovac, karon mikabat na og kapin sa 1,400 nila ang andam magpabakuna.

Inanay nga napapas ang mga kabalaka ug pagduhaduha sa bakuna human sa gibutyag sa mga eksperto sa Octa Research nga maayo og resulta ang Sinovac.

Namatud-an sab sa mga health workers sa VSMMC ang pamahayag sa Octa human hingpit na nga nakasugod ang pagpamakuna sa mga medical frontliners dinhi sa Sugbo.

Tulo na ka adlaw sukad sa makasaysayanong pagsugod og pamakuna dinhi sa Sugbo apan way dautang nahitabo sa mga nagpabakuna.

Gawas sa pipila ka mga nakasinati og minor side effect sa bakuna nga gihulagway sa mga eksperto nga normal, way nasinati nga mga problema ang sagad sa mga gibakunahan.

Gani mismo ang pangulo sa VSMMC nga si Dr. Gerardo Aquino uban nila ni Dr. Jean Loreche sa DOH-7 ug ni retired general Mel Feliciano nga maoy deputy chief implementer sa IATF dinhi sa Visayas maoy nangulo sa pagpabakuna.

Silang tanan walay gibati nga dili maayo human sa ilang pagpabakuna.

Busa hinaut nga ang pasiunang resulta sa pagpamakuna dinhi sa Sugbo makapalig-on sa kumpiyansa sa publiko sa bakuna batok sa COVID-19.

Way basihanan ang mga kahadlok sa bakuna, bisan unsay brand niini, tungod kay way dautang nanghitabo sa mga gibakunahan.

Apan mas makatabang og mangonsulta gyud una sa inyong doktor sa dili pa magpabakuna aron kampanti ka sa imong kaugalingon.

* * *

Gipaabot nga sa di madugay masugdan na sab ang vaccine roll out alang sa mga molupyo sa dakbayan.

Kini human nakahukom na ang dakbayan nga mopalit og kaugalingon niining bakuna.

Mokabat sa P100 million ang pasiunang pundo nga gigahin sa dakbayan alang niini.

Nakapadala na pud og letter of intent ang dakbayan ngadto sa AstraZeneca ug Covovax nga maoy napilian sa dakbayan nga paliton.

Tungod sa maong mga kalamboan nabuhi ang paglaum sa publiko nga sa dili madugay mabalik na sa normal ang atong kinabuhi ug hingpit nga makabangon ang atong ekonomiya.

VICENTE SOTTO MEMORIAL MEDICAL CENTER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with