^

Banat Opinyon

Free bunyag

MGA LAMAS SA KINABUHI Pagpamalandong alang sa Malangkubong Kaayohan Hinikay - Fr. Rey Cui - Banat

Kini ang gidasig ni Arsobispo Jose Palma sa matag parokya nga sa atong pagsaulog sa 500 years of Christianity anaa gyud ang pag focus sa Sacramento sa Bunyag agi’g paghandum sa Unang Bunyag.

Mao nga kami dinhi sa Madridejos, Alegria mopahigayon pud og libreng bunyag karong Disyembre 25, 2020. Kini ang culminating activity ning tuig 2020.

Andamonon pa ang alang sa sunod tuig. Hinuon ning panahon sa dakong pandemiya angayan man pud nga mohimo og libre nga bunyag ingon man ang pagpahigayon og libre nga serbisyo ngadto gyud sa mga mas nagkinahanglan. Kay lagi panahon man karon sa Jubilee, ilabina dinhi sa atong pagsaulog sa 500 years of Christianity.

Ang kasaulogan sa Jubilee diha sa bibliya mao man ang pagkanselar sa tanang mga utang aron sa ingon mamahimong gawasnon ang tanan ug makasugod na pud sa bag-ong matang sa pagkinabuhing ekonomikal.

Gani mismo ang mga uma, pasagdan man lang ug papahulayon sulod sa gitakdang tuig o gidugayon.

Gani, tugotan man lang ang si bisan kinsa nga mopupo sa mga abot niini ug mopahimulos sa mga bunga niini kay lagi usa man ka dakong Jubileyo.

Ingon ini ang gilantaw sa atong talahurong arsobispo. Dili himoong excuse ang kahagip-ot ning panahon sa pandemiya aron dili mamahimong manggihatagon sa uban. Mao nga bisan man lang sa mga sama niini, mahinungdanon kaayo ang pagpaambit. Kay diha lamang sa pagpaambit mamahimong makahuloganon ang atong kinabuhi.

Ang bunyag ingon nga Sacrament of Initiation nipahinumdom kanato sa atong tulo ka mga tahas ug gimbuhaton sa kinabuhi. Kini naglangkob ning mosunod:

1.    Pag-ampo dili lang sa panginahanglang kinaugalingon kondili usab sa panginahanglan sa uban.

2.    Pagsulti o pagmantala sa mga butang o pulong nga kinahanglanon ug dili sa mga pulong o butang nga wala na kinahanglana.

3.    Pagpangalagad bisan pa man sa mga higayon nga nahimo kitang biktima sa tawhanong kabanyaga.

Ingon ini ang pakigbisog nga angayan natong panlimbasogan nga mahatagan og katumanan. Bisan pa man kun dunay mga higayon nga pagasabton kitang bati mismo sa kaugalingon natong pamilya.

Kay ilang gitan-aw imo lamang kalaglagan ug ang imong pagkahagba mao lamang ang ilang gisud-ong taliwala sa mga kaayohan nga imong nabuhat ug nahatag  kanila.

Sakit usahay ang bation apan ang kinabuhi ingon gyud ana. Dunay mga tawo nga bisan unsaon nimo og tarong kanila ang tanan balewala lamang.

BUNYAG

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with