Panlimbasog ning panahon sa dakong kagul-anan

MGA LAMAS SA KINABUHI - Fr. Rey Cui (Banat) - December 1, 2020 - 12:00am

Mosugot kita o sa dili apan ang buhing kamatuoran mao nga naguol kita ug nalibog gumikan ning mga panghitabo karon sa atong palibot. Ang limitadong mga lihok ug ang nakapait pa gyud niini mao man ang paghimo og mas lain pang kahigayonan nga kontrolahon ang lihok sa matag tawo tungod ug alang kuno sa kaluwasan sa kahimtang sa panlawas.

Sa laktod, may laing wave nga mahitabo kalabot ning coronavirus. Angayan kitang maguol ning kahimtanga sa kapasikaran nga nahalayo na kita sa matag usa gumikan ni Corona nga kanato mibabag. Unsay angayan natong kagul-an?

1. Una angayan kitang maguol tungod kay nahimong idlas alang kanato ang kahigayonan nga mamahimong mas physical ang atong pagpadayag sa atong pagbati sa usag usa. Gidid-an kita bisan gani sa paghikap mismo sa atong kaugalingong mga sakop sa panimalay.

2. Ang panudlanan sa hinayhinay nahubsan. Moabot ang panahon nga kun kining maong kalisdanan mao man ang mopaut ot kanato sa hilabihang kapaitan. Tungod kay wala na kitay magamit mahitabo ang naghinobrang gubot, gutom ug mga kadaut kanato.

3. Ang mga gamhanan padayong mopahimulos sa kahuyang sa kadaghanan.

4. Padayong lutoson ang simbahan aron kini masirad-an. Kay imbis makita ang bili niini ingon nga essential service sa matag tawo nahimo naman nuon kining usa ka dakong kahasol sa laraw sa mga dautan ngadto sa kalibutan.

5. Padayong magpungasi ang depresyon sa matag hunahuna sa matag tawo. Ug kining maong depresyon maoy nakapahaling sa tumang kagul-anan sa matag usa nga nangindahay nga mabuhi sa paagi nga hamugaway ug malinawon.

Lisud man tuod ang panahon karon apan wala kini magpasabot nga kita mosurender lamang sa hialbihang kasayon. Kinahanglang kita manlimbasog dili alang sa atong kaugalingon kondili alang usab sa mga tawo nga nagsalig kanato.

PANAHON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with