^

Virtual Art Interact

SAKSAK SINAGOL - Lucky Malicay (Banat) - November 11, 2020 - 12:00am

Taliwala niining makamatay nga coronavirus disease o COVID-19, nindot usab nga palandongon nga adunay mga gimbuhaton sa ubang aspeto sa atong kinabuhi ang wala maapektohi niini.

Kini sama na lamang sa ubang mga aktibidadis nga padayong nagsabwag og kinaadman ug kahibalo ngadto sa publiko o komunidad gikan sa mga eksperto sa mga nagkalainlaing disiplina o field.

Bisan pa niining pandemiya, padayong miligid ang kalibotan sa art sa nasud pinaagi sa pagpaluyo sa Shell, usa sa labing dako nga kompanya sa petrolyo sa tibuok kalibotan.

Ang Shell Virtual Art Interact, nga gipahigayon kaniadtong Nobiyembre 7, nagpundok sa mga visual artist dinhi sa Kabisayaan kinsa nagbutyag sa ilang unique nga estorya sa paglaum, kaisog ug katubsanan.

Ang Visayas leg sa Virtual Art Interact maoy ikatulo nga hugna sa serye sa mga workshop ug ubang pagbansaybansay sa visual art sa nasud nga gipasiugadahan sa Shell. Ang laing duha ka hugna didto gipahigayon sa Luzon kaniadtong Oktubre 3 ug sa Mindanao kaniadtong Oktubre 17.

Kining maong kalihokan subay usab sa 53rd National Students Art Competition (NSAC) kansang mga partisipante naggikan sa nagkalainlaing komunidad sa mga rehiyon sa nasud.

“Virtual Art Interact was a chance for us to show people that there is so much more to the Philippine creative scene by featuring various artists across the country,” matud pa ni Andrei Paminutan, ang creative director sa Fringe Manila mga maoy host sa event.

Ang NSAC dugay ra nga nagkultibar sa umaabot nga henerasyon sa mga Pilipinhong artists ug uban pang mahiligon sa art. Dako kini og pagsuporta sa mga kalihokan sa komunidad pinaagi sa pag-ila niadtong indibidwal nga adunay mga creative talent.

“Growing up, we didn’t have much access to art references or local libraries that carry art books. I had to learn and take inspiration from my communities and our history,” matud pa ni Negros Occidental-based Ginoe, usa sa mga featured artists sa Virtual Art Interact.

Dinhi sa Kabisayaan, adunay mga nahimong inila gumikan sa ilang debosyon ug pasyon sa art. Pipila kanila mao si Cebuano painter Martino Abellana, Boholano mixed media artist Henri Cainglet, Negrense abstract expressionist artist Alfonso Ossorio ug uban pa.

Bisan pa sa ilang mga exhibit didto sa Luzon ug ubang lugar nga nakapahimo nilang inila, daghan pa ang atong madiskobrehan sa ilang mga talento. Gani, pipila niining mga Visayan artists ang adunay world class nga mga talento nga angay lamang usab natong suportahan.

Sa iyang bahin, si Sankie Simbulan, ang Country Social Performance and Investment Manager sa Pilipinas Shell, nagkanayon:  “There is no other sector that can better inspire and articulate this optimism than artists, and Pilipinas Shell will continue to nurture them so that they may spark the ideas the people need for a brighter future.”

Sa pagkakaron, ang NSAC adunay nadawat nga 1,300 entries alang sa maong kalihokan ug ang awarding ceremony pagahimoon karong November 27. Alang sa dugang kasayoran, kadtong mga intresado mahimong makisayod sa social media accounts sa Shell Philippines.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with