EDITORYAL - Iresponsableng netizen makaamong
EDITORYAL - Iresponsableng netizen makaamong
(Banat) - October 26, 2020 - 12:00am

Gisaway sa mga netizens ilabi na sa mga fans ug mga artista ang usa ka heneral sa Armed Forces of the Philippines nunot sa iyang komento ngadto kang Liza Soberano nga sa ilang pagsabot gi-red tag o gipasanginlan niining rebeldeng komunista ang dalaga.

Nag-ugat kini sa pag-guest ni Soberano sa usa ka webinar forum sa militanteng grupong Malayang Kilusan ng Bagong Kababaihan (MAKIBAKA) ang grupo sa kabataang sakop sa Gabriela.

Si National Task Force to End Local Communist Armed Conflict (NTF-ELCAC) spokesperson ug commander Southern Luzon Command (SolCom) Lieutenant General Antonio Parlade Jr. mao karoy gisaway sa mga netizens.

Sumala pa sa mga balita dili si Parlade maoy nag-red tag kang Soberano  kondili usa gihapon sa mga netizens nga nakakita sa video ug nikomento kini.

Apan husto ba diay nga papangayoon siya og pasaylo bisan wala niya buhata ang gipasangil kaniya?

Si Parlade isip usa ka amahan usab ug dunay mga anak nga babaye ug mga igsuong babaye, igo ra man mipasidaan kang Soberano basin maparehas kini sa batan-ong si Josephine Anne Lapira nga kanhi sakop sab sa Gabriela Youth nga napatay atol sa panagengkwentro sa militar og rebeldeng komunistang New People’s Army niadtong 2017. Kung tan-awon baya, pasidaan ra agi og pagpakabana ang gihimo ni Parlade. Wala siya namasangil kang Soberano apan karon mao man hinuoy gustong ipasabot sa mga netizens.

Tungod sa maong iresponsableng komento sa maong netizen gibutang niini sa peligro ang kinabuhi ni Soberano ug nakapahasol sa dalaga.

Daghang ingon niana karon sa social media, mga netizens nga dili maghunahuna sa epekto ngadto sa uban sa ilang mga gi-post o komento.

Ang kampo ni Soberano pinaagi sa iyang manager ug ang iyang legal counsel namahayag nga walay partidong politikal nga gidapigan ang ilang kliyente.

Personal kining adbokasiya ni Soberano ang pagpanalipod sa katungod sa kababayen-an ug kabataan.

Bisan kinsang tawo adunay adbokasiyang gitamod ug gustong maoy mopatigbabaw. Di kinahanglang magpasakop ka og grupo aron ipaabot ang adbokasiya sa usa ka tawo. Mahimo kining buhaton personal apan sa mga kaparehas kasikat ni Soberano mahimong bisan kinsa maoy mosangpit kanila.

NETIZEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with