Ulahi nang miabot ang gipaabot
JAV BANATI - Javier Tapulado (Banat) - April 6, 2020 - 12:00am

Ginaingon nga hinay kaayo ang irog sa taknaan ug dugay iphon ang mga adlaw kon kita adunay butang nga gipaabot.

Apan kon kita, walay gipaabot, kalit lang motumaw ang butang nga wala nimo paabota, o wala na hunahunaa.

Sama sa nahitabo sa Enhanced Community Quarantine pass nga gipaabot sa tanan sugod Marso 28 pa, diin sa udto sa maong adlaw gisugdan na ang epekto sa maong polisiya nga dili makagawas sa balay ang mga residente ug makalakawlakaw kon walay ikapakitang pass sa mga otoridad.

Kinahanglanon kaayo kini sa matag pamilya. Labi na kun tungod sa kawad-on, mapugos sa paggula sa balay aron magkapangkapangkag pangita asa dapita ibutang sa Ginoo ang tabang nga Iyang giandam alang sa mga timawa?

Sa kadaghang nag-ugtas ug nagyawyaw sa quarantine pass nga wala moabot, apil ko sa nakapanglingolingo ug nakapangutana:

“Pastilan, Abril 2 na man, nganong walay mianhi sa amoa aron pagtuman sa saad ni Mayor Edgar nga ihatod door to door ang nahisgotang pass?

Kini ra bang akong anak, di gyod ko pagawason. Ug siya dili sab mogawas.

Samot na akong misis. Kay wala pa lagi mi quarantine pass. Ingon niini mi kahugot motuman sa unsay nalatid sa balaod.

Rason, nga gipangutana ko si Mayor Ed pinaagi sa akong gipandayng artikulo: ‘HAIN NA ANG GISAAD NGA QUARANTINE PASS?’ nga gi-email ko sa patikanan niadtong Abril 2, diin wala na ko maghunahuna kon moabot pa ba kini?

Ang importante, gikuhit ko na ang kugihang mayor, kinsa kaniadto sa bise mayor pa, nahikap ko iyang mga kamot dihang siya ang gipa-induct sa bag-o namong napiling opisyales sa Dagang Foundation Incorporated.

Pagka Abril 4 sa hapon, gianunsiyo sa among security nga ang quarantine pass mahimo nang kuhaon didto sa among subdivision’s office.

Nauntol ko. Kay ang butang nga gusto ko nang kalimtan, kalit lang mitungha.

Apan ulahi nang miabot ang gipaabot. Ubay-ubay nang kahiubos, kadismaya o kasuko ang gipahungaw sa gisakitang katawhan.

Ug nahisama kini sa gilabayng bato, nga sa higayong mabuhian, dii na mapugngan.

Hinuon, naghatag kinig dakong leksiyon. Ngadto sa gilabay ug sa nanglabay, diin ning giatubang natong pandemic crisis, ang bugtong makahumpay mao ra gayod ang pagsinabtanay.

ULAHI
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with