Mug for life gisapwang ni Samsam
JAV, BANATI! - Javier Tapulado (Banat) - December 15, 2019 - 12:00am

Usa ka manedyer nangutana nako kon sala ba sa pobreng anak kon mapugos sa pagpanulis aron lamang may ikabayad sa operasiyon sa inahan nga may kanser?

Dali ra kong nakatubag og:

“Oo. Ngano? Kay dapat mo-exert siya’g effort sa minatarong nga paagi. Hinumdomi, nga naay daghang maduolan: PCSCO, Malasakit Program, TV networks, media ug uban pang matinabangong institusiyon o foundation, nga ang kadali rang maabli ang kasingkasing kon imong tuktokon. Ug kon ugaling, silang tanan mibalibad sa imong pakiluoy, mao na kining higayona nga magpalaban ka sa Ginoo.

Mag-ampo. Mangayo. Kay ihatag gyod Niya. God answers prayers. God provides.

Tanang tubag sa atong panginahanglan anaa ra gyod sa atong palibot. Pero, ang katapolan lang natong mangita. Ang kadali ra natong mosurender. Nalimot ta, nga Siya miingon: ‘Lihok tawo, kay tabangan tika.”

Sama sa sulondong gibuhat sa inahang si Mrs. Sheila (Omandac) Formentera nga taga Upper Mohon, Talisay City, kinsa nangayog tabang ni Mayor Gerald Anthony ‘Samsam’ V. Gullas Jr. pinaagi sa pagpa-promote sa baligya nilang mug, diin ang halin maoy ibayad sa operahanan nilang anak nga si Resh, kinsa  tres anyos pang nasakit og acute lymphoblastic leukemia, naoperahan-naayo na kaniadto, apan ning pag-edad og 8 anyos nabalikan, diin ang central nervous system na usab ang naapektohan.

Na-bull’s eye ang kasingkasing ni Samsam. Sanglit, gipakita sa inahan nga gustong abagahon ang bug-a nga galastoan sa ospital pinaagi sa pagpamaligyag mug, diin sa tag P300 ang presyo matag usa, ambot, kanus-a pa kaha nila makab-ot ang tukmang kantidad nga gikinahanglan?

Sa social media, gipabaha ni Samsam ang todo suporta niyang pag-promote sa baligyang mug sa pamilyang (Omandac) Formentera: “A mug of hope.” Kini walay labot sa pinansiyal hinabang nga iyang gitunol sa pamilya. Pagkatahom nga gawi!

Sa Facebook gidasig ni Samsam ang mga manggiluy-on nga unta mo-order og mug for life sa pamilyang Formentera, ngadto ni Sheila Omandac, inahan ni Resh pinaagi ning phone numbers: 09323796463.

Hasta ko natandog.

Nakahunahuna, nga bisag wala nay mug, deretsong kuwartang pinaskohan na lang ang ihatag nato thru KUWARTA PADALA ni Resh, is the best!

Tingdawat man gyod rog bonus, please slash a little cash for Resh.

SAMSAM
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with