Sakeyo

Nobiyembre 3, 2019: Ikakatloag-usa nga Domingo sulod sa tuig

Mga Pagbasa:   Kin. 11; 22-12;2/

Sal. 145/2 Tes. 1; 11-2;2/Lk. 19;1-10

Nahimong ilado si Sakeyo. Mubo siya nga tawo ug gani dato pud siya kaayo. Siya kadtong nisaka sa kahoy nga sikomoro aron makita lang ang atong Ginoo. Sa paghangad ni Jesus giingnan siya nga adto siya mokaon sa ilang balay. Ang  maong panagtagbo maoy nagdala og nindot nga kabag-ohan sa kinabuhi ni Sakeyo. Kobrador sa buhis nga giisip nga dakong makasasala sa daghang mga tawo sa iyang kapanahonan.

Sa laing bahin, ang maong gitas-on ni Sakeyo ang mahimong isipon nga symbolic lamang sangit ang self- esteem ni Sakeyo mubo kaayo tungod sa mga panghimaraut sa mga tawo. Kay lagi siya makasasalang dako. Nialagad siya sa Romanhong Imperyo ingon man iyang gitikasan ang kadaghanan sa mga tawo.  Apan bisan pa niini wala kini makababag sa iyang dakong tinguha nga makakita sa Ginoo. Nisaka siya ug ang maong effort nga gipakita ang nakahatag og dakong kadasig usab ni Jesus nga modayon sa iyang balay.

Daghanan nato mga Sakeyo ning atong kapanahonan karon. Dili tungod kay nagpunay kita og panikas kondili tungod sa atong tagsatagsa ka mga kasaysayan mahimong branded sa mga mata sa katilingban. Apan bisan paman ning maong kamatuoran unta dili kita bation og kahadlok kay kun mahimong kita sa kadaghanan hikalimtan lang ang Dios padayon nga nihatag sa iyang pagsalig ug pasaylo. Angay nato kining saulogon ug pasalamatan! Human sa maong kapasayloan kita pud unta ang mamahimong timaan sa kapasayloan ngadto sa uban. Amen! To err is human and to forgive is divine matud pa.

Ang gipakitang kaayo sa mga PME Fathers kaniadto maoy nakadasig nako sa pagsulod sa seminaryo. Ug karon nga nahimo nakong sama nila, akong badlongon ang akong kaugalingon sa mga higayon nga nahimong halayo ra sa tinuod ang akong kinabuhi gikan sa akong giwali.