Tunglo pa more
MGA LAMAS SA KINABUHI - Fr. Rey Cui (Banat) - June 28, 2019 - 12:00am

Dili ikalimod nga kitang mga tawo usahay ang dili maantigong motago sa atong kasuko. Kun masuko gani ta ato gyud kining ipakita sa hilabihan. Sa dihang niduaw ko sa akong higala dunay akong kaila nga mipakita sa iyang cellphone. Sa FB account niya duna siyay nadawat nga hulagway sa usa ka puya nga gilabay nga nagkadugo ug wala nay kinabuhi nga sa ato pa, gilabay diay tawon human ipa-abort. Wala na lang gyud gilubong og tarong.

Wala nako tuyoa nga nalibkas sa akong baba ang mga litaniya sa tunglo pahinungod sa mga nibuhat sa ingon. Daw sa mitibi sa tumang kasakit ang akong galamhan human nako makita ang maong hulagway ug wa lang tuyoa midagayday ang akong mga luha uban ang paspas nga pitik sa akong dughan. Naglagot gyud ko sa hilabihan!

Ingon ini na gyud tingali ang panahon karon. Daghang mga tawo ang buot lang sa kalipay apan dili buot nga mangabaga sa responsibilidad. Sayon ug nindot ang paghimo og bata apan dunay sakripisyo ang pagmatuto niini mao nga daghan sa mga tawo ang ganahan lang sa lipay lipay apan dili buot nga magsakripisyo. Mao  nga buot molikay niini bahala na kun sayop ang binuhatan.

Sa akong pagpatidlom ning maong pagbati, akong nakita nga ang tawo diay mismo ang mihimo sa iyang kinabuhi ingon nga tunglo inay panalangin. Tunglo tungod kay gilikayan niya ang panalangin. Ang bata panalangin busa angayang hangpon ug atimanon. May katugbang silot ang tanang binuhatang mali. Mao nga alang sa ginikanan niadtong bataa kalooy pud ninyo nga gihikawan ninyo ang inyong kaugalingon sa grasya gikan sa kahitas-an.

Sa akong bahin nipauli ko sa Sogod. Sa wala pa ko matulog akong gilitok ang mga pulong sa pag-ampo sa kalinaw adtong bataa nga wala mahatagi og kahigayonan nga moginhawa ug sa kalinaw ug kapasayloan sa mga ginikanan nga sa akong tan-aw padayong hasulon sa ilang tanlag tungod sa ilang binuhatan. Mao tingali nga ang mga unggoy dili buot mamahimong tawo tungod kay walay unggoy nga mipakuha o mi-abort sa ilang anak.

Ang tawo ra nga dunay hustong pangisip ug kagawasan ang nakaako sa paghimo ning maong salawayong buhat sa pagpanglupig sa tawhanong katungod. Mao diay nga dunay mga tiyanak nga mokaon og itlog sa lalaki nga human mopabuhagay ang mobiya lang sa dayon kay sa kaakuhan maglikay likay.

Angayan ba silang tunglohon? Ang kaligotgot sa Dios mao na lay mosilot kanila.

TUNGLO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with