Dili mopadayon sa pagpalit sa condominium
Dear Atty. Divine,
Aduna mi gipalit nga condominium unit apan pre-selling pa kini. Nakabayad na mi sa reservation fee ug sa binuwan nga bayranan sud na sa tulo ka tuig. Apan nakadesisyon mi sa akong bana nga dili nalang namo ipadayon ang pagpalit sa condominium unit. Ang turn-over sa condominium sa sunod tuig na. Ang akong pangutana kun unsay among buhaton? Mabawi pa ba namo ang among gibayad? Daghang salamat.
Ella
* * *
Dear Ella,
Sagad sa mga pre-selling agreements sa mga condominium units, ang reservation fee kay non-refundable ilabi na kun voluntary ang inyong pag withdraw. Samtang kalabot sa imong nabayad na nga monthly installments, basi sa Maceda Law or Republic Act No. 6552 kun nakabayad naka og 24 months or more, entitled ka basi sa balaod og refund nga 50% sa imong total payments. Buot ipasabot nga kun nakabayad na ka og P100,000 pesos ang P50,000.00 lang niini ang imong makuha nga refund. Mas mayo nga imo sab basahon ang inyong agreement nga gipirmahan kun unsay nalatid kalabot niini. Kinahanglan nga imong pahibaw-on ang developer sa imong desisyon sa pag-cancel sa inyong pagpalit sa condo unit og inyong icomply ang ilang mga requirements sa pag-cancel niini. Thank you and God bless. -- Atty. Divine
* * *
Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
