Ang pagpangandam
MGA LAMAS SA KINABUHI - Fr. Rey Cui (Banat) - June 10, 2019 - 12:00am

Dili diaw ning pagpangandam labina kun mahinungdanon kaayo ang okasyon. Imo gyud ning gahinan og panahon labina kun buot nimong mamahimong perfect ang moment puhon.

Apan dili ikalimod nga bisan kun unsaon dili gyud mamahimong perfect ang tanan. Kini tungod kay daghang lapses ang mahiagoman. Hinuon normal ra gyud ni nga scenario labina kun maghisgot kita og mga tawo.

Kaniadto daghan kaayo ko og plano ug gani ako naman tong giimplementar apan subo lang palandungon nga ang mga pagduda ug naghinobrang kyawkyaw sa uban maoy nakapawong sa kadasig ug kaikag nga maningkamot.alang sa kaayohan sa kinabag-an.

Daghan ang balaod nga atong gisunod to the point nga nahikalimot kita sa bili sa gitawag nilang tawhanong kalambigitan. Sama gud na sa grammar nga usahay estrikto kaayo ta hangtud nga nahimong na spoil ang moment nga mahinungdanon.

Ang pagpangandam mahinungdanon apan sa atong paghimo sa ingon atong kuyogon bisan kadtong mga tawo nga dili makauyon pamasin nga malipay sila sa imong effort.

Ug kun ugaling dili sila malipay niini ayaw lang pud og kasagmuyo kini tungod kay diha sa imong paningkamot nahimong makahuloganon ang imong panlimbasog kun ipasikad lang kini sa paghigugma ug dili sa tinguha nga daygon sa imong isigkatawo.

Kay bisan unsaon pa nimo og binuotan dunay ikasulti ang tanan. Ug kun ugaling nahimong pakyas ang tanan alang kanimo ayaw lang kabalaka kay dunay mga tawo nga mas pakyas pa kay kanimo apan nagpabilin gihapon silang malipayon ug malaumon nga dunay nindot nga mahitabo sa ilang kinabuhi human sa mangitngit nga gabii sa pagbangotan.

Think positive mao nay importante ug ang tanan mahimutang ra gyud sa iyang tukmang dapit. Diha sa pagpangandam hinumdomi nga mahinungdanon ang proseso ug dili lang ang resulta.

PAGPANGANDAM
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with