Undivided property ang gustong ibaligya
LEGAL CORNER - Atty. Divine Flores (Banat) - May 25, 2019 - 12:00am

Dear Atty. Divine:

Duna mi na inherit  nga property gikan sa among  amahan. Titulado kini ug duha ra mi ka igsuon ang magbahin og ikatulo ang akong mama. Apan wa pa namo ma-process ang transfer ngadto sa among names kay wa mi budget para sa estate tax. Ang akong igsuon nagtinguha sa pagbaligya sa iyang share ug gani naa na siyay buyer. Apan ang problema kay ang iyang buyer namili sa portion nga gusto niyang paliton kay kadto gyung daplin sa dalan. Misupak ko niini kay mahulog nga interior ang akong share nga mahibilin. Ang akong pangutana kun makabaligya ba ang akong igsuon sa portion nga gusto sa iyang buyer bisan  kun misupak ko niini? Daghang salamat.

Peter

* * *

Dear Peter,

Isip mga co-owner sa property nga kabilin sa inyong amahan, kamong tulo adunay patas nga katungod sa property ug tungod kay wa pa kini ninyo mabahin so ang imong igsuon dili makabaligya og specific portion sa property gawas lang kon mouyon ka  ug ang imong mama niini. Ug modesisyon mo nga i-subdivide ang property. Ang iyang buyer mamahimong mopalit sa share sa imong igsuon o sa iyang successional rights apan dili siya makabuot kun asa nga portion kay kinahanglan kining sabutan ninyong mga co-owners. Ang maayo ninyo nga buhaton aron pag-settle sa issue mao ang pagpa-survey sa property ug inyo kining ipa-subdivide  aron maklaro na ang inyong share ug siya makabaligya na sa iyang specific share samtang ikaw ug ang imong mama mamahimo nga maka-develop sa inyong  mga bahin. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.

IBALIGYA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with