EDITORYAL - Narco-list
(Banat) - February 22, 2019 - 12:00am

Giplanuhan karon sa Department of Interior and Local Government nga ipublikar ang listahan sa mga pangalan sa mga kandidatong giingong mga narco-politicians. Tumong niini nga mapahibawo sa mga botante kun kinsa ang angay ug dili angay botaran.

 

Apan ning higayona, dili na si Pres. Duterte maoy moanunsyo kondili ang mao nang ahensya dili sama niadtong tuig 2016 diin kaduha gyud mipublikar ang pangulo sa mga pangalan sa mga lokal nga elected officials ug mga polis.

Matud pa sa pangulo trabaho kini sa DILG ug dili siya gustong sapawan sila sa ilang trabaho.

Ang maong listahan matud pa gibase sa mga impormasyong nahipos sa nagkadaiyang intelligence units sa kapolisan ug militar.

Apan niadtong 2016 nasipyat ang pangulo sa dihang may kanhi gobernador, provincial administrator ug board member didto sa Northern Luzon ang iyang gipangalanan kay naa sa narcolist.

Apan diay to, inosente ang tulo ug ang pangulo nangayo og pasaylo kanila. Napaso si Duterte.

Nagpasabot kini nga ang pangulo nagsalig lamang sa impormasyon gikan sa mga law enforcement units sa ubos nga iyahang sinaligan.

Ang tigpamaba sa Malacañang nga si Salvador Panelo mipasidaan nga kinahanglang siguraduhon lang gyud sa mga law enforcement units nga beripikado ug suportado og ebidensya nga nalambigit gyud sa illegal drug trade ang mga politikong pangalanan kay mahimo gyud silang sumbalikon og kiha.

Apan unsa kahay garantiyang dili na kini masubli pa karon kung mopagawas nasab og laing hugna sa listahan sa narco-list?

Sa mga tinuod nga nalambigit sa ilegal nga drugas bisan pa og magminatay sila og panghimakak wala gyud silay mahimo ilabi na kun suportado og mga ebidensya.  Apan luoy kaayo sa habig niadtong mga inosente maguba gyud ang pangalan apil na ilang pamilya.

Nganong dili nalang direktang kasohan kun duna gyuy kamatuoran sa mga akusasyon, aning paagiha gamay kaayo ang tsansang dudahan nga politika ang hinungdan. Dili ba ang gobiyerno balaod may gisunod ug dili mga espekulasyon lamang?

NARCO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with