Pit Senyor!
SENIOR CITIZEN - Antolin dela Serna (Banat) - January 18, 2019 - 12:00am

Atong igahin kining atong lindog karon niining atong pagsaulog sa kapiyestahan sa Balaang Bata, ug sa pasundayag sa Sinulog 2019.

Una sa tanan atong namatikdan nga nagkabaga ang duot sa katawhan, mga regular nga mga devotee, mga dumudoong, ug mga turista, langyaw ug  local, ang  nagpunsisok sa dakbayan, primarily  to pay homage to the Holy Child.

Ang kinabag-ang bahin sa mga dumuduong, ilang tuyo mao gayud ang pagpamiyesta, pagpasalamat, pagPangilIyopo, ug labaw sa tanan, pagpasidungog ug pag-glorify sa milagrosong Batang Hesus.

Ug ang cultural presentation, ang Sinulog, pakapin na lang, gawas niadtong purely kalingawan ug excitement ang ilang tuyo. Secondary na lang pud ang ilang pagsimba kun mosimba man.

Whatever, ang Pit Senyor ug ang Sinulog sa  Sugbo, giisip nga labing daku nga kasaulogan sa tibuok nasud.

Kini tungod kay gawas sa mga relihiyoso ug makasaysayanon nga mga kalihokan Simbahan, ang Sinulog, gawas nga nakahatag kini og kalingawan, sa samang higayon ang pagsayaw-sayaw sa kadalanan, dili maisip nga purely pagkiat-kiat, kundili lahi sa ubang mga street dancing sa ubang dapit sa nasud, ang atong Sinulog dinhi, sa samang higayon, pagpasidungog gihapon ug paghalad  ngadto ni Santo Niño de Cebu.

Sa ako nang giingon dinhi, nga ang mga sinulog sa mga tindera sa kandila atubangan sa imahen sa Batang Hesus, atong gidala, gawas sa Simbahan ngadto sa kadalanan. Busa, ang Sinulog atong maisip nga both cultural ug religious nga event.

Mao kini ang nakalahi sa atong Sinulog festival dinhi kay sa ubang pagsayaw-sayaw sa kadalanan nga ang tuyo mao lang gyud ang paglingaw sa mga manan-aw.

Sa iyang sinuwat sa The Freeman, si May B. Miasco miingon nga ang devotion sa Sto. Niño crosses borders. Matud  niya, atong kutloon: “The devotion to the Santo Niño de Cebu proves that it goes beyond the boundaries of its home island.”

Buot ipasabot nga ang kainit sa Sto. Niño devotion wala lamang ma-confined dinhi sa atong dapit, kundili, mikuyanap kini ngadto sa ubang mga dapit sa nasud. Gani, sa atong nasaksihan, daghang Balikbayan ug mga langyaw’ng dumuduong ang magdasok dinhi sa atong siyudad nga moduyog sa atong pagsaulog sa Fiesta Señor, regardless unsa ang ilang tinuhoan ug pagtoo.

Bag-ong feature sa atong pagsaulog sa Fiesta Señor mao ang kining  pagduaw sa imahen ni Sto. Niño sa mga hospital ug bilanggoan nga nakahatag og dakung alibyo ug paglaom sa hingtungdang mga masakiton ug binilanggo.

Pit Senyor kanatong tanan!

PIT SENYOR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with