EDITORYAL - Pagkaluoy sa mga sapa
(Banat) - November 24, 2018 - 12:00am

Nibahad ang kalihim sa Department of Environment and Natural Resources (DENR) sa mga regional directors sa maong ahensya nga pulihan sila kon magpabaya sila sa trabaho.

Partikular sa gusto niyang ipabuhat kanila ang paglimpyo sa tanang mga sapa ubos sa ilang hurisdiksyon. Dinhi sa Metro Cebu, daghang mga sapa nga kaniadto napuslan sa mga residente, apan karon hain naman kining mga sapa?

Ang mga kabataang henerasyon karon dinhi sa Metro Cebu wala masayod nga sapa diay kaniadto kining dakong kanal taliwala sa dalan Colon ug dalan V. Gullas. Mao usab kanang sapa sa Pari-an padung dalan Bonifacio, sumpay sa T. Padilla padung sa Tejero.

Ang sapa diha sa may Ayala Business Park nga kaniadto kaligoanan pa ug makapanguha pa og isda sa tab-ang ang mga karaang namuyo sa Barangay Hipodromo, Bario Luz ug Lahug, apan karon wala na.

Kaning mga gipanghisgotang sapa mga patay na kay wala na tumana ang three-meter easement o tulo ka metros nga distansya gikan sa sapa nga dili mahimong tukoran og bisan unsang estraktura subay sa balaod.

Dili makatarunganong ang ahensya lamang sa DENR maoy han-okan sa basol tungod kay mas nagpabaya ang mga lokal nga opisyales sa siyudad kaniadto nga nakatutok lang sa pagpalambo ug pagmoderno sa siyudad.

Usa pa, mas gipalabi nila ang boto gikan sa mga tawong nagpuyo kilid sa mga sapa.

Kaning bahad ni Cimatu maayo apan hangtud kanus-a?  Maayo nalang pud hinuon nga dunay ingon aning kamandoan kay sa pagkakaron may kahadlok pa man ang mga LGUs kang Pres. Duterte.

Basin pa diay og mopatuo na sila sa  DENR. Apan unsa nalang kaha kon dili na sila ang naglingkod?

Ang gikinahanglan gyud dili kon si kinsa ang naglingkod kondili ang kinasing-kasing nga pagpanalipod sa kalikopan ang angay nga mopatigbabaw.

EDITORYAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with