Withdrawal

Luoy kaayo ang tawong bisyoso kay kun mokalit og biya sa maong bisyo sama pananglit sa drugas ang mahitabo mao nga mamahimong mokurog siya ug daw maboang tawon.

Apan dunay akong gikakukabildo nga nagkanayon nga bahala na lang kun mura siya og boang ning maong kahimtang ang mahinungdanon dili siya madayonan nga maboang.

Kinahanglang maluwas siya gikan sa maong kahimtang sanglit pangindahay niya nga mamahimong gawasnon ang iyang kinabuhi.

Lisud ang kaayohan sa balatian sanglit nagkinahanglan man kini og proseso. Mao nga sa dihang gipangutana ko ang maong tawo kun buot ba niyang maayo siya miingon:

“Bahala og madugay kini padre ang importante maayo lang gyud ako!” Kun sundon lang gyud nato ang proseso nan, mamahimo kitang gawasnon ug himsog diha sa panglawas ug sa kinabuhing espirituhanon.