Kinabuhi ni San Francisco de Asis
JAV, BANATI! - Javier Yntig Tapulado (Banat) - October 8, 2018 - 12:00am

Sama sa mga anak og dato ning atong panahon, nagtubo si Francis nga usa ka badlongong bata hangtod naulitawo. Babaye, inom ug uban pang dautang bisyo, iya ning giapilan. Usa ka higanteng negosyante og panaptonan iyang amahan ug may halapad nga  kaumahan.

Spoiled siyang pagkaanak. Miundang pag-eskuyla sa edad nga 14, nagbugoybugoy,  ug nailhang kusog manghasi.

Kay dato, nakat-on si Francis sa archery, wrestling ug sa pagpangabayo. Samtang damgo sa iyang amahan nga mosunod sa tunob isip usa ka malamposong magpapatigayon, pangandoy niya nga mahimong Knight ug ilhong bayani sa panggubatan.

Apan napakyas iyang damgo. Pagbuto sa dakong gubat sa Perugia ug Assisi, diin apil siya sa mga adunahang nakig-away, napilde sila. Wala siya patya sa  kontra. Gipriso lang didto sa baho ug nag-umog nga prisohan kay ipalukat  sa dato niyang amahan.

Nasakit siya.  Dinhi magsugod pagpakita ang Ginoo kaniya. Ug nasundan pa kinig lain. Gibayran sa amahan ang ransom ug nakagawas siya.

Sa iyang paggawas, nakadungog siya’g tingog sa Ginoo, nag-awhag nga ipaayo ang simbahan sa mga Kristiyanos ug puy-an ang kinabuhi sa pagkakabos. Tuod man, iyang gibiyaan ang kaharuhay sa pamuyo ug misunod sa mando sa Ginoo. Kon kaniadto sa wala pay gubat, mahadlok siya moduol og sanglahon, ning higayona, kamao na siya maluoy sa mga masakiton.

Dinhay mga higayon nga mipatim-aw ang Diyos kaniya, nagbilin og stigmata –  marka sa samad sa mga kamot ug sa iyang kilid sama niadtong naangkon ni Kristo  dihang gilansang sa krus. Nahimong santos si San Franciso pagka Hulyo 16, 1228. Gitawag siya’g patron Saint for Ecologist tungod sa iyang pagka-nature and animals lover.

Niadtong Oktubre 4, kapistahan sa mga lungsod nga mihimong patron ni San Francisco de Asis. Adlaw nga hisgotan sa homily sa pari, ang estorya sa iyang kinabuhi, gikan sa pagkabuloyagon ngadto sa pagkabuotang karnero nga maoy nakapa-Santos kaniya.

Hinaot pa unta nga kapanaminan kini sa atong mga batan-ong adik-adik, pushers, drug traffickers ug uban pang nagpakabuhi sa kangitngit ning atong panahon. Buwahan, malamdagan ang ilang hunahuna ug makakita nga bukas gyud diay ang langit nga modawat nila kon magbag-o na  sa ilang kinabuhi.

ASIS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with