Gibinlan og regalo sa iyaan nga namatay
LEGAL CORNER - Atty. Divine Marcial-Flores (Banat) - October 22, 2016 - 12:00am

Dear Atty. Divine,

Ang akong iyaan nakautang kanako og kuwarta nga P600 mil kay gipa-repair niya sa iyang balay. Wa ko niya mabayri kay nasakit man siya ug niadtong miaging buwan namatay ang akong iyaan. Ang iyang anak akong gipahibawo sa utang sa iyang mama ngari nako aron iya unta ko nga bayran. Apan matud sa iyang anak nga dili ko angayang mabalaka kay aduna kuno’y Last Will and Testament nga gibilin ang iyang inahan labot sa kuwarta nga gideposito niini sa bangko ug matud pa nalakip ko nga pahatagan niini.

Wa hinuon ko makakita sa maong Last Will ug wa sab ko masayod kun pila ang kantidad, apan ang akong pangutana kun makakolekta pa ba ko sa maong utang kun ugaling gilakip ko niya sa iyang Last Will and Testament? Daghang salamat. — Gracia

 

Dear Gracia,

Base sa atong Civil Code, ang Legatee o tawo nga nakadawat og regalo nga personal property nga gitawag og legacy pinaagi sa Last Will and Testament gikan sa iyang debtor o nangutang kaniya nga namatay, mahimo pa gihapon nga makapaningil sa maong utang kun wa ibutang sa  testator nga kadtong iyang gihatag nga regalo mao na kadto ang magsilbi nga bayad sa iyang utang. 

Kana maoy nalatid sa Article 938 sa atong Civil Code nga nagkanayon: “Article 938. A legacy or device made to a creditor shall not be applied to his credit, unless the testator so expressly declares.” Sa ato pa, kun wa gibutang sa Last Will sa imong iyaan nga kanang iyang gihatag nga giregalo or legacy kanimo maoy magsilbing bayad na sa iyang utang, then mahimo pa gihapon ikaw nga maningil sa iyang utang diha kanimo nga P600 mil ngadto sa iyang kabilin o estate. – Atty Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.

LEGAL CORNER
Philstar
Facebook
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with