^

Banat Opinyon

Nganong Cebu ang gipili?

KUMBATI - Rico Lucena Duha - Banat

Duha ka higayon su’d sa duha ka semana.  Ingon ini ka makanunayon ang pagduaw ni Bise Presidente Jejomar Binay sa Sugbo.  Ug sa matag higayon nga nia siya sa Sugbo matunong o gitunong nga adunay imbestigasyon sa giingong kurapsyon nga nahitabo didto sa senado.  Adunay kalabutan sa giingong pangurakot ni Binay ang maong imbestigasyon.   Ug kita dinhi sa Sugbo nga nabantog sa atong pagka-maayo nga motratar og bisita, nihangop sa presensiya sa bise presidente.  Ug labaw nga nalipay sa iyang pagsige og duaw mao ang mga politiko nga karon pa lang nagsige na og sunod-sunod niya.

Apan makapangutana ka nganong sa kadaghang lugar sa nasud, dinhi man sa Sugbo mopahipi si Binay sa mga higayon nga adunay imbestigasyon sa mga alegasyon batok kurapsyon batok niya didto sa senado?  Usa sa mga staff ni Binay ang posibleng adunay tukmang tubag sa maong pangutana.   Matud sa di’ magpailang suod nga tawo sa bise presidente, kabahin sa taktika sa kampo ni Binay ang pagpasilong dinhi sa Sugbo tungod sa daghang mga rason nga maghatag niya og kaayuhan.  Una, nabantog ang Sugbo nga adunay maalamon nga mga botante.  Sa labing uwahing ihap mokabat sa dos punto singko milyones ka mga botante ang nia sa Sugbo.  Kini ang labing dako sa tanang lalawigan sa nasud.

Niadtong 2004 napamatud-an sa mga Sugboanon nga makahimo siya sa pagtuboy ug pagpadaog og usa ka presidente.  Salamat sa boto sa mga Sugbuanon nakaangkon og mandato si presidente Gloria Macapagal Arroyo.  Likod sa mga huhungihong nga nabayran ang mga Sugbuanon, apan napamatud-an nga adunay kaugalingon nga utok, baruganan ug prinsipyo ang mga Sugbuanon.  Kung kini ang basehan, karon pa lang tataw nang namugas pugas si Binay, di’ sa ubang dapit sa nasud apan sa Sugbo gyud nga maoy adunay igong katakos sa pagtunol og kadaugan sa usa ka kandidato.

Mas nabantog ang mga Sugbuanon nga di’ mailad, di’ mapalit ug di’ mahawngan og salapi kung panahon sa piniliay.  Sakto ang ingon sa staff ni Binay nga dinhi sa Sugbo maggikan ang nadaot ug napan-os nang dungog ni Binay.   Kung sa mosunod nga survey nga ipahigayon mogawas nga mopabor ang mga Sugbuanon ngadto niya, pagkamaayo ining balita nga mahimo niyang ibida sa ubang probinsya sa nasud nga adunay dakong respeto ug pagtamod sa katakos ug integridad sa mga Cebuano voters.  Sakto ang pangutana sa akong usa ka higala nga kung wa’ malambigit si Binay sa isyu, imo kaha siyang makit-an kanunay dire sa Sugbo?

Email: [email protected]. or [email protected].

ADUNAY

BINAY

BISE PRESIDENTE JEJOMAR BINAY

GLORIA MACAPAGAL ARROYO

SAKTO

SUGBO

SUGBUANON

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with